Өс уйынсы «КХЛ йондоҙҙары» байрамында ҡатнаша

Унда ҡатнашасаҡ хоккейсылар көйәрмәндәрҙең күпләп йыйылған тауышы менән  билдәләнә. Өфөләрҙән һөжүмсе Теему Хартикайнен, ҡапҡасы Юха Метсола һәм һаҡсы Георгий Панин  иң күп тауыш йыйғандар. Бигерәк тә Панин өсөн был сара әһәмиәтлерәк. Сөнки 36 йәшлек хоккейсы, бындай сарала беренсе тапҡыр ҡатнашырға йыйына. «Минең өсөн был бик көтөлмәгән хәл булды. Әлбиттә, Башҡортостан көйәрмәндәренә ҙур рәхмәт.  Улар күп тауышы менән мине күккә сөйҙө. Һәр бер уйынсы, үҙ ғүмерендә бер тапҡыр булһа ла, ошондай спорт байрамында ҡатнашырға тейештер. Шуға ла мин шатмын. Мин хәҙер йәш түгел, шуға күрә буласаҡ сарала (көлөп) моғайын тиҙлектә ярышырмын...».

https://belizv-bash.ru/news/-mgyyat/2021-11-24/s-uyynsy-khl-yondo-ary-bayramynda-atnasha-2594891