Башҡортостан Бөтә Рәсәй ауыл спорт уйындарын уҙғарыуға дәғүә итә
Башҡортостан йыйылма командаһының X Бөтә Рәсәй ҡышҡы ауыл спорт уйындарында еңеүе һөҙөмтәһендә республика киләһе ярыштарҙы үткәреүгә дәғүә итергә мөмкин. Республика етәксеһе Радий Хәбиров был хаҡта социаль селтәрҙә хәбәр итте. //
«Беҙ саңғыла, полиатлонда, шахматта, шашкала һәм спорт ғаиләләре ярышында иң яҡшы һөҙөмтә күрһәттек. Республиканан Пермгә Бөрйән, Өфө, Шишмә, Әлшәй райондарынан 17 спортсы һәм ике тренер барҙы. Делегация етәксеһе – Шишмә районының балалар-үҫмерҙәр спорт мәктәбе директоры Сергей Балуев», — тип яҙҙы Башҡортостан Башлығы.