“Сифат өсөн яуап бирәм...”

“Рәсәйҙең иң көслө кешеһе” исемен йөрөткән башҡорт батыры, армрестлинг һәм пауэрлифтинг буйынса спорт мастеры, Гиннестың рекордтар китабына ингән спортсы Эльбрус Ниғмәтуллин социаль селтәрҙә ҡоймаҡ таратыуы хаҡында белдерҙе. Әммә шуныһы үҙенсәлекле: был ҡоймаҡтар ябай түгел, улар бамперлы. “Иң яҡшы, премиум класслы бампер “ҡоймаҡ”тарын ебәрәм. Сифат өсөн яуап бирәм”, – тип яҙҙы илдең иң көслө кешеһе үҙенең социаль селтәрҙәге сәхифәһендә.Билдәле спортсының был яҙыуына күптәр тиҙ гненә яуап та яҙа башланы. “Ҡоймағығыҙ менән беҙгә ҡунаҡҡа килегеҙ”, “15 киллограмлығы күпме тора?”, “Ҡәйнешемә бүләккә мөмкинме? Ул һеҙҙең командағыҙҙа ярыштарҙа ҡатнашты. Әбйәлил районынан” тигән һәм башҡа яҙыуҙар булды. Ә һеҙ бына хәҙер тотош донъяға билдәле башҡорт бәһлеүәненең “ҡоймағын” ҡарағыҙ ҙа, баһалағыҙ. Нисек? Оҡшанымы һеҙгә Эльбрус Ниғмәтуллиндың Яңы йылға “ҡоймағы”? Фото: Эльбрус Ниғмәтуллиндың социалдь селтәрҙәге сәхифәһенән.Автор: Айһылыу Низамова.https://bash.rbsmi.ru/articles/sport-m-turizm/Sifat-s-n-yauap-bir-m-553875/