Бөтә яңылыҡтар
СОЦИАЛЬ ӨЛКӘ
14 Март 2021, 07:15

Пособиелар яңыса түләнәсәк

Ғаризаны 1 апрелдән дәүләт хеҙмәте порталында, Күп функциялы үҙәктәрҙә, халыҡты социаль яҡлау идаралыҡтарында бирергә мөмкин

Аҙ тәьмин ителгән (ғаиләнең дөйөм килеме йәшәү минимумынан кәмерәк булһа) 3 йәштән алып 7 йәшкә тиклемге балалар үҫтергән ғаиләләр өҫтәмә дәүләт ярҙамына дәғүә итергә хоҡуҡлы. Уның күләме төбәктә ҡабул ителгән балалар өсөн йәшәү минимумының 50 процентын тәшкил итә.
Ағымдағы йылдың 1 апреленән пособиены алыу шарттары үҙгәрә. Уның асылы шунда: балалар өсөн йәшәү минимумының 50 процентын тәшкил иткән түләүҙәр ғаиләнең һәр ағзаһын йәшәү минимумы менән тәьмин итмәгән осраҡта, уны төбәктә иҫәпләнгән йәшәү минимумынан 75 йәки 100 процент итеп алып буласаҡ.
РФ Президенты Владимир Путин ошо турала указға ҡуйҙы. Рәсми документ менән хоҡуҡи мәғлүмәттең интернет-порталында танышырға була.
Ғаризаны 1 апрелдән дәүләт хеҙмәте порталында, Күп функциялы үҙәктәрҙә, халыҡты социаль яҡлау идаралыҡтарында бирергә мөмкин.
Фото: ok.ru
Автор: Римма Султанова
Читайте нас в