Башҡортостанда яңы ер законын контролдә тотоу буйынса эшсе төркөм булдырылды

Башҡортостанда дәүләт власы һәм урындағы үҙидара органдары араһында дәүләт милке сикләнмәгән ер биләмәләрен биреү буйынса вәкәләттәрҙе бүлеү тураһында ҡануниәттең үтәлешен күҙәтеү буйынса эшсе төркөм булдырылды. Уның составына, республика парламенты депутаттары менән бер рәттән, прокуратура, республика хөкүмәте, Башҡортостан Башлығының муниципаль берәмектәр менән үҙ-ара эш итеү буйынса идаралығы, Башҡортостан Башлығы ҡарамағындағы Кеше хоҡуҡтары һәм граждандар йәмғиәте институттарын үҫтереү советы вәкилдәре инде. Эшсе төркөмдө парламенттың урындағы үҙидара, граждандар йәмғиәте институттарын үҫтереү һәм киң мәғлүмәт саралары комитеты рәйесе Салауат Хөсәйенов етәкләй.

Фото: Олег Яровиков