Бөтә яңылыҡтар
СӘЙӘСӘТ
14 Август 2020, 00:21

Яңы вице-премьер тәғәйенләнде

”Бындай ҙур, этник яҡтан бай, берҙәмлеге менән көслө булған республиканы һаҡлау өсөн өҫтәмә тырышлыҡ һалыу кәрәк”, - тип иҫәпләй Башҡортостан етәксеһе.

Башҡортостан Башлығы Радий Хәбиров социаль селтәрҙәге битендә кадрҙар мәсьәләһендәге үҙгәрештәр тураһында белдергән. Быға тиклем ул тәғәйенләүҙәр хаҡында интернетта яҙмағанын, был юлы иҫкәрмә яһауын әйткән.
Бөгөндән башлап Башҡортостан Хөкүмәте вице-премьеры вазифаһын Азат Бадранов башҡарасаҡ. Республика етәксеһенең әйтеүенсә, ул милләт-ара һәм конфессиональ-ара мөнәсәбәттәр һәм телдәрҙе, мәҙәниәттәрҙе, традицияларҙы һаҡлау мәсьәләләрен алып барасаҡ.
”Бындай ҙур, этник яҡтан бай, берҙәмлеге менән көслө булған республиканы һаҡлау өсөн өҫтәмә тырышлыҡ һалыу кәрәк”, - тип иҫәпләй республика етәксеһе. Ул тәжрибәле йәш кешенең был бурысты лайыҡлы башҡарыуына ышаныс белдергән.
Фото: БР Башлығы сайтынан.
Автор: Дина Арсланова
Читайте нас в