+11 °С
Болотло
Бөтә яңылыҡтар
СӘЙӘСӘТ
16 Июнь 2020, 22:32
Бәхетеңде һынап ҡара!
Халыҡ иҫәбен алыуға бәйле викторина һорауҙарына дөрөҫ яуап бирһәң, аҡсалата приз көтә.
Уйын – мәғлүмәт, белем алыуҙың иң яҡшы ысулы, тип иҫәпләй билдәле белгес һәм интеллектуаль уйындарҙы популярлаштырыусы Максим Поташев. Тап ул “Рәсәй: кешеләр, һандар, дәлилдәр” тип аталған яңы онлайн-викторина һорауҙары авторы булған. Викторина Дөйөм Рәсәй халыҡ иҫәбен алыу сайтында башланып тора. Уйында теләгән һәр кем ҡатнаша ала, тик уны үткәреү ваҡыты сикләнгән. Еңеүселәргә – аҡсалата бүләктәр.
Буласаҡ Дөйөм Рәсәй халыҡ иҫәбен алыу был юлы беренсе тапҡыр һанлы буласаҡ, шуға күрә викторинаның да интернетта үтеүе аңлашыла. Был бәйге кисә, 15 июндә Мәскәү ваҡыты буйынса 11 сәғәттә башланды.
Әйткәндәй, был - халыҡ иҫәбен алыу темаһына бәйле икенсе интеллектуаль ярыш. Викторинала Рәсәй төбәктәре һаны кеүек үк 85 һорау. Бөтә һорауҙар ҙа халыҡ иҫәбен алыу, статистикаға бәйле, илебеҙ республикалары, өлкәләре һәм крайҙары тураһында ҡыҙыҡлы дәлилдәр һәм быға тиклем үткән кампаниялар тарихы тураһындағылары ла бар.
Ярышта ҡатнашыу өсөн strana2020.ru сайтында теркәлергә, махсус форма тултырырға һәм электрон почта адресын күрһәтергә кәрәк. Артабан тәҡдим ителгән һорауҙарға яуап бирегеҙ. Яуаптар 19 июндә Мәскәү ваҡыты буйынса 11 сәғәткә тиклем ҡабул ителәсәк. Иң тиҙ ваҡыт эсендә максималь дөрөҫ яуаптар биргән өс кеше еңеүсе тип таныласаҡ. Улар етешәр мең һумлыҡ приз аласаҡ.
Дөрөҫ яуаптар һәм еңеүселәр сайтта уйын башланып ете көн үткәс баҫыласаҡ. Киләһе уйындар тураһындағы мәғлүмәт шулай уҡ сайтта донъя күрәсәк.
Дөйөм Рәсәй халыҡ иҫәбен алғандан һуң Рәсәй халҡы һаны һәм структураһы тураһында яңы мәғлүмәттәр билдәле буласаҡ. Тәүҙәрәк уны 2020 йылдың 1 октябренән 31-енә тиклем үткәреү планлаштырыла ине. Ауыр эпидемиологик хәл сәбәпле, "Росстат" был кампанияны 2021 йылға күсереү тәҡдиме менән сыҡты.
Халыҡ иҫәбен алыу һанлы технологиялар ҡулланып үтәсәк. Иң төп яңылыҡ – Рәсәй кешеләре Дәүләт хеҙмәттәре порталында үҙаллы мәғлүмәт тултыра аласаҡ. Йорттар буйлап йөрөгән саҡта иҫәп алыусылар махсус программа ҡуйылған планшеттар менән ҡоралланасаҡ. Шулай уҡ күп функциялы үҙәктәрҙәге махсус булдырылған участкаларға барып та үҙең тураһында мәғлүмәт ҡалдырырға мөмкин.
Фото: strana2020.ru
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95