-4 °С
Болотло
Бөтә яңылыҡтар
СӘНӘҒӘТ
30 Август 2020, 12:25
Етештереүсәнлекте дүрт тапҡырға арттырмаҡсылар
Ҡоймалар етештереү менән шөғөлләнгән завод 2011 йылдан эшләй.
“Белорет сеткалар һәм түшәмдәр заводы” ябыҡ акционерҙар йәмғиәте ил Президенты Владимир Путиндың май указы менән раҫланған “Хеҙмәт етештереүсәнлеге һәм мәшғүллеккә булышлыҡ итеү” милли проектында ҡатнашыу иҫәбенә етештереүсәнлекте дүрт тапҡырға арттырырға ниәтләй.
Ҡоймалар етештереү менән шөғөлләнгән завод 2011 йылдан эшләй. Хеҙмәт етештереүсәнлеге өлкәһендәге төбәк компетенциялар үҙәге етәксеһе Руслан Нуретдинов әйтеүенсә, милли проектта ҡатнашып, һаҡсыл етештереү алымдарын ғәмәлгә индереү нигеҙендә предприятие үҫештең сифат йәһәтенән яңы кимәленә сыға ала.
"Заводтың сығымды ҡулайлаштырып, кәрәкмәгән, артыҡ етештереү процестарынан ҡотолоу мөмкинлеге бар. Бынан тыш, эш ваҡыты ҡайтанан бүленәсәк. Был хеҙмәткәрҙәрҙең мәшғүллегендә һөҙөмтәлелекте арттырасаҡ", – тине ул.
Етештереү ентекле тикшерелгәндән һуң, эш төркөмө металл йыһаз сығарыуҙы пилот проекты итеп һайланы. Бындай йыһаздың бер комплектын етештереү өсөн ни бары 38 минут самаһы сарыф ителә. Эште тағы ла аҙыраҡ ваҡытта башҡарыу күҙаллана. Заводтың генераль директоры Артем Гурштейн әйтеүенсә, предприятиела етештереүсәнлекте кәмендә дүрт тапҡырға арттырып, сменаһына 2500 йыһаз комплекты сығарыу мөмкинлеге бар.
Фото: economy-new.bashkortostan.ru
Автор: Лилия Давлетбакова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95