-6 °С
Болотло
Бөтә яңылыҡтар
МИЛЛИ ПРОЕКТ
22 Март 2021, 13:47
Әбүбәкер эшҡыуары нимә тәҡдим итә?
Яҙгөл Байрамғолованың һөтсөлөк йүнәлешен үҫтереү буйынса проекты хуплау тапты.
Билдәле булыуынса, республика Башлығы Радий Хәбировтың тәҡдиме менән төбәккә инвесторҙар йәлеп итеү, уларға уңайлы инвестиция мөхите булдырыу һәм эшҡыуарлыҡ өсөн отошло шарттар булдырыу маҡсатында “Эшҡыуарлыҡ сәғәте” үткәреү бурысы район-ҡалаларҙа уңышлы тормошҡа ашырыла. Был эш “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проекты нигеҙендә атҡарыла.
Хәйбулла районы хакимиәте башлығы Рөстәм Шәрипов менән үткән сираттағы кәңәшмәлә ауыл хужалығы йүнәлешендәге проект ҡаралды. Авторы – Әбүбәкер ауылынан Яҙгөл Байрамғолова. Ул һөтсөлөк йүнәлешен үҫтереү тәҡдиме менән мөрәжәғәт итте.
Проект һыйыр малдары, трактор, һөт һыуытҡыс, һауыу ҡоролмаһы һатып алыуҙы күҙаллай. Планлаштырылған инвестициялар проекты күләме биш миллион һум тәшкил итә. Рөстәм Шәрипов проектты тормошҡа ашырыуға булышлыҡ ҡылыу йәһәтенән күрһәтмәләр бирҙе.
Бындай сараларҙың барыһы ла ил Президенты Владимир Путиндың май указдары нигеҙендә барлыҡҡа килгән “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына булышлыҡ итеү” милли проекты нигеҙендә тормошҡа ашырыла. Ул биш федераль проекттан тора: “Эшҡыуарлыҡты алып барыу шарттарын яҡшыртыу”, “Бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға индереү юлдарын киңәйтеү”, “Бәләкәй һәм урта эшҡыуарлыҡ субъекттарын йылдам үҫтереү”, “Фермерҙарға ярҙам итеү системаһын булдырыу һәм ауыл кооперацияһын үҫтереү”, “Эшҡыуарлыҡты популярлаштырыу”.
Фото: Хәйбулла район хакимиәте сайты.
Автор: Карима Усманова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95