“Бабич һуҡмағы”нан - яңыртылған Мәҙәниәт йортона

Әсән ауылында иҫ китмәле матур ваҡиғаға шаһит булдыҡ

Дүртөйлө районының Әсән ауылында иҫ китмәле матур ваҡиғаға шаһит булдыҡ. Унда “Мәҙәниәт” милли проектына ярашлы, капиталь ремонттан һуң танымаҫлыҡ булып яңырған күп функциялы Мәҙәниәт йорто ишектәрен асты.

Иркен, яҡты тамаша залы, төрлө түңәрәктәр өсөн бүлмәләр, дискуссия клубтары, тренажер бинаһы, балалар өсөн уйын майҙансыҡтары – бөтәһе лә әсәндәрҙең рухи тормошон, йәшәйеш, ял шарттарын яҡшыртыу өсөн.

Ошо уҡ көндә Әсән моделле китапханаһының тантаналы асылыуы – икенсе иҫтәлекле ваҡиға. Бындай кимәлдәге учреждение республикала ни бары өсөнсөһө генә, уның ниндәй заманса, мауыҡтырғыс, үҙенсәлекле дизайнлы, мәғлүмәт технологиялары менән байытылған булыуын һүҙ менән генә аңлатыуы ауыр, үҙ күҙҙәрең менән күреү яҡшыраҡ.

Тап бөгөн Әсәндә бөйөк шағир, йәмәғәт эшмәкәре Шәйехзада Бабичтың 125 йыллығына арналған тарихи сара үтеүе байрамды тағы күркәмерәк итте. Яҡташтарының яҡты иҫтәлегенә уның үткән һуҡмағы буйлап Бабич баҡсаһы асылды. Әсәндәр татлы емеш бирер, илһам килтерер, шиғриәт мәккәһе булыр тип өмөтләнгән баҡсаға төрлө емеш ағастары ултыртылды. Шағирҙың исемен мәңгеләштереү буйынса оло эштәр башҡарған, шәхестәрен хөрмәтләй белгән дүртөйлөләргә рәхмәттән башҡа ни әйтәһең! Байрамға Бабич эҙҙәре һаҡланған Мишкә, Йылайыр райондарынан да вәкилдәр килеп, оло шатлыҡты уртаҡлашты.

Айрат Нурмөхәмәтов фотолары.

Автор: Дина Арсланова

https://bash.rbsmi.ru/articles/bash-ort-donya-y/Babich-u-ma-i-nan-ya-irtil-an-M--ni-t-yortona-478236/

Читайте нас:

© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.

Все материалы сайта «Хәйбулла хәбәрҙәре» предназначены для пользователей старше 18 лет.

Главный редактор: 8(34758) 2-14-98

Рекламная служба: 8(34758) 2-15-62

Е-mаil: [email protected]

Телефон

8(34758)2-14-98

Электрон почта

[email protected]

Адресы

453800, Башкортостан, Хайбуллинский район, с.Акъяр,пр.С.Юлаева, д.41.

Реклама хеҙмәте

8(34758)2-15-62

Редакция

8(34758)2-14-98

Ҡабул итеү бүлмәһе

8(34758)2-14-95

Хеҙмәттәшлек

8(34758)2-15-62

Кадрҙар бүлеге

8(34758)2-14-95