-6 °С
Болотло
Бөтә яңылыҡтар
МИЛЛИ ПРОЕКТ
9 Июль 2020, 11:29
Балаларға уйнар урын булды
#национальныепроекты#нацпроекты#региональныепроекты#регпроекты#нацпроектыБашкортостан
Учалы районының Учалы ауылындағы яңы биҫтәлә универсаль спорт майҙансығы сафҡа инде. Яңы балалар баҡсаһы эргәһендә урынлашҡан объект "Урындағы башланғыстарға булышлыҡ итеү" программаһы сиктәрендә барлыҡҡа килде.
Спорт комплексының асылыуы – ауыл халҡы өсөн ҡыуаныслы ваҡиға, сөнки был биҫтәләге ер участкаларының күп өлөшө йәштәргә бүленгән, яңы йорт һалып инеүселәр байтаҡ, балалар ҙа күп.
- Йәйге каникул мәлендә балаларға ошондай шәп бүләк эшләй алыуыбыҙға сикһеҙ шатмын. Балаларҙың ҡыуанысы – ололарҙың ҡыуанысы, - ти район хакимиәте башлығы Руслан Ғиләжетдинов.
Майҙансыҡты төҙөү өсөн республика һәм урындағы бюджеттан аҡса бүленгән, Учалы тау-байыҡтырыу комбинаты ла ярҙамдан ситтә ҡалмаған, ауыл халҡы ла үҙ өлөшөн индергән. Подрядсы бурыстарын Ейәнсура районынан “Уралдеком” компанияһы башҡарған.
Балалар спорт майҙансығы менән бик ҡәнәғәт, уларға йәйен мини-футбол, баскетбол, ә ҡыш көндәре сәкән һуғырға бар шарттар ҙа тыуҙырылған.
Әйткәндәй, Учалы ауылында ошондай уҡ спорт майҙансығы күптән түгел “Аныҡ эштәр” программаһы сиктәрендә башҡорт гимназияһы эргәһендә лә төҙөлгәйне. Тиҙҙән РТС тип аталған биҫтә балалары ла ошондай шатлыҡ кисерәсәк.
Йәш быуындың киләсәген хәстәрләп ошондай спорт майҙансыҡтары булдырыу - Башҡортостанда ил Президенты Владимир Путиндың май указдары нигеҙендә барлыҡҡа килгән “Демография” милли проектының уңышлы тормошҡа ашырылыуы ул.
Фото: Учалы районы хакимиәте сайтынан.
Автор: Римма Султанова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95