+29 °С
Болотло
МӘҘӘНИӘТ
31 Март 2021, 05:03
Афарин, Нурия ханым!
Уның ҡабатланмаҫ интонация менән: “Әс-сәләмәғәләйкүм, Башҡортостан!” тип радио тыңлаусыларға бер мөрәжәғәт итеүе генә лә ни тора!
Уҙған быуаттың 50-се йылдарында беҙҙең яҡтағы ауылдарға радио нөктәләре ҡуйыла башлағас, халыҡтың ҡыуанысы сикһеҙ булды. Өйөндә ҡара ҡалпаҡлы радио ҡуйылған ғаиләгә күршеләре инеп тыңлар булды. Ул саҡта башҡортса тапшырыуҙар ҡыҫҡа ла, һирәк тә яңғырай торғайны. Халыҡ бигерәк тә туған телендәге концерттарҙы йотлоғоп тыңлар булды.
Мәғәфүр Хисмәтуллин, Фәриҙә Ҡудашева, Хәбир Ғәлимов, йәш, моңло йырсы Рамаҙан Йәнбәковтың тауышын ишетеү менән, барлыҡ эште ташлап, радио янына йыйылыр инек. Әммә ул осорҙағы концерттар 20-30 минуттан да ашманы. Күп тә үтмәй, өйҙәрҙә телевизор күренә башланы.
Бөгөн ниндәй генә төр телевизор, ноутбук һәм башҡа кеше ымһындырғыс әйберҙәр булыуына ҡарамаҫтан, үрҙә телгә алынған радиоалғыстарҙан кеше айырылмаған әле. Элекке башҡортса тапшырыуҙарҙы алып барған маһир һүҙ оҫталары Әхәт Мортазиндың, Наилә Ғәләүетдинованың, урыҫ телендә Зөһрә Бәхтизинаның тауышын һаман да юҡһынабыҙ, һағынып иҫкә алабыҙ.
Һуңғы егерме йылда эфир тулҡындарына сыҡҡан “Юлдаш” радиоһының популярлығы шаҡтай артты. Яңынан-яңы тапшырыуҙар алып барыуы менән халыҡты тағы ла үҙенә ылыҡтырҙы һәм яҡынайтты. Радиоканалдың Волга буйы федераль округында ойошторолған ярышта күп тапҡыр еңеп сығыуы – бының асыҡ миҫалы.
Бына ошо радиола тәү көндәрҙән үк эшләгән, үҙенең сағыу, яғымлы, моңло тауышы менән күптәрҙе әсир иткән Нурия Абдуллина алып барған “Ҡунаҡ өйө” тапшырыуын кинәнеп тыңлар булдыҡ. Уның ҡабатланмаҫ интонация менән: “Әс-сәләмәғәләйкүм, Башҡортостан!” тип радио тыңлаусыларға бер мөрәжәғәт итеүе генә лә ни тора! Кемгә нисектер, миңә ҡалһа, Нурияның аһәңле тауышы уйҙарымды элекке йылдарға алып ҡайта, хисләндерә лә, юҡһындыра ла…
Беҙ уның ауыр сиргә ҡаршы ҡаһармандарса көрәшеүен беләбеҙ. Былтыр көҙ “Ҡайтауаз” тапшырыуында уның тауышын тағы ла бер ишетеп, иҫ киткес шатландыҡ! Ҡыҫҡа, әммә тулҡынландырғыс тапшырыуҙа йырсы Харис Шәрипов, Баймаҡ районының Ишмырҙа ауылынан Зөлфиә, удмурт ҡатыны Галина ханым уның менән саф башҡортса аралашып, Нурия ханымдың йырҙарын яратыуҙарын, ҡабаттан сәхнәлә күрергә теләүҙәрен еткерҙе. Был изге теләктәргә беҙ ҙә – күп һанлы радио тыңлаусылар Нурия Абдуллинаның йырҙарын үҙ иткән тамашасылар ҙа ҡушылабыҙ һәм яратҡан алып барыусыбыҙға ныҡлы һаулыҡ, бәрәкәтле ғүмер теләйбеҙ.
Баймаҡ районы.
Мәғәфүр Хисмәтуллин, Фәриҙә Ҡудашева, Хәбир Ғәлимов, йәш, моңло йырсы Рамаҙан Йәнбәковтың тауышын ишетеү менән, барлыҡ эште ташлап, радио янына йыйылыр инек. Әммә ул осорҙағы концерттар 20-30 минуттан да ашманы. Күп тә үтмәй, өйҙәрҙә телевизор күренә башланы.
Бөгөн ниндәй генә төр телевизор, ноутбук һәм башҡа кеше ымһындырғыс әйберҙәр булыуына ҡарамаҫтан, үрҙә телгә алынған радиоалғыстарҙан кеше айырылмаған әле. Элекке башҡортса тапшырыуҙарҙы алып барған маһир һүҙ оҫталары Әхәт Мортазиндың, Наилә Ғәләүетдинованың, урыҫ телендә Зөһрә Бәхтизинаның тауышын һаман да юҡһынабыҙ, һағынып иҫкә алабыҙ.
Һуңғы егерме йылда эфир тулҡындарына сыҡҡан “Юлдаш” радиоһының популярлығы шаҡтай артты. Яңынан-яңы тапшырыуҙар алып барыуы менән халыҡты тағы ла үҙенә ылыҡтырҙы һәм яҡынайтты. Радиоканалдың Волга буйы федераль округында ойошторолған ярышта күп тапҡыр еңеп сығыуы – бының асыҡ миҫалы.
Бына ошо радиола тәү көндәрҙән үк эшләгән, үҙенең сағыу, яғымлы, моңло тауышы менән күптәрҙе әсир иткән Нурия Абдуллина алып барған “Ҡунаҡ өйө” тапшырыуын кинәнеп тыңлар булдыҡ. Уның ҡабатланмаҫ интонация менән: “Әс-сәләмәғәләйкүм, Башҡортостан!” тип радио тыңлаусыларға бер мөрәжәғәт итеүе генә лә ни тора! Кемгә нисектер, миңә ҡалһа, Нурияның аһәңле тауышы уйҙарымды элекке йылдарға алып ҡайта, хисләндерә лә, юҡһындыра ла…
Беҙ уның ауыр сиргә ҡаршы ҡаһармандарса көрәшеүен беләбеҙ. Былтыр көҙ “Ҡайтауаз” тапшырыуында уның тауышын тағы ла бер ишетеп, иҫ киткес шатландыҡ! Ҡыҫҡа, әммә тулҡынландырғыс тапшырыуҙа йырсы Харис Шәрипов, Баймаҡ районының Ишмырҙа ауылынан Зөлфиә, удмурт ҡатыны Галина ханым уның менән саф башҡортса аралашып, Нурия ханымдың йырҙарын яратыуҙарын, ҡабаттан сәхнәлә күрергә теләүҙәрен еткерҙе. Был изге теләктәргә беҙ ҙә – күп һанлы радио тыңлаусылар Нурия Абдуллинаның йырҙарын үҙ иткән тамашасылар ҙа ҡушылабыҙ һәм яратҡан алып барыусыбыҙға ныҡлы һаулыҡ, бәрәкәтле ғүмер теләйбеҙ.
Баймаҡ районы.
Автор: Салауат МӨХӘМӘТШИН, хеҙмәт ветераны
