+11 °С
Болотло
Бөтә яңылыҡтар
МӘҘӘНИӘТ
6 Ғинуар 2021, 12:32
Быйыл беҙҙе ниндәй мәҙәни саралар көтә?
Был хаҡта республиканың Мәҙәниәт министрлығы бына нимәләр белдергән.
Быйыл шағир, мәғрифәтсе, ғалим, дин әһеле Ғәли Соҡоройҙоң тыуыуына 195 йыл тулыуға бағышланған саралар үткәреләсәк. Тағы яҙыусы Сергей Аксаковтың тыуыуына – 230, мәғрифәтсе Мифтахетдин Аҡмулланың тыуыуына – 190, яҙыусы һәм драматург Нәжиб Асанбаевтың тыуыуына 100 йыл тулыу сәбәпле саралар ойоштороу ҡаралған. Былтыр үткәрелергә тейешле халыҡ-ара фольклор ижады фестивале – Бөтә донъя фольклориадаһы – быйыл йәй үткәрелер тип көтөлә.
Михаил Нестеров исемендәге художество музейының 100 йыллығына арналған Бөтә Рәсәй күргәҙмәләре ойоштороласаҡ. Республика Башлығы Указына ярашлы, был юбилей саралары 2020 йылда булырға тейеш ине. Тик, пандемия сәбәпле, улар кисектерелгәйне.
Айнур Асҡаровтың “Йыл ғаиләһе” (“Өфөнән һөйөү менән” фильмының дауамы), Булат Йосоповтың “Рәми. Шағир көндәлеге” кинофильмдарының премьералары көтөлә. Әле был проекттар өҫтөндә эш бара.
Алдынғы ижади коллективтарҙың гастролдәре планлаштырылған. 30 ғинуарҙа Милли симфоник оркестр Мәскәүҙәге Чайковский исемендәге концерт залында сығыш яһаясаҡ. Башҡорт дәүләт опера һәм балет театры труппаһы Санкт-Петербургтағы Мария театрында һәм Мәскәүҙәге Ҙур театрҙа сығыш яһарға ниәтләй. Ф. Ғәскәров исемендәге дәүләт халыҡ бейеүҙәре ансамбле лә Рәсәй буйлап гастролдәр үткәрергә планлаштыра.
Өфөләге циркты, Рус академия драма һәм Башҡорт ҡурсаҡ театрҙарын үҙгәртеп ҡорасаҡтар. Шулай итеп, Рәсәй Президенты Владимир Путиндың май указы нигеҙендә барлыҡҡа килгән “Мәҙәниәт” милли проектын тормошҡа ашырыу дауам итәсәк, Өфөнөң 450 йыллығына әҙерлек башланасаҡ.
Фото: moskva.bezformata.com
Автор: Айһылыу Низамова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95