+6 °С
Ясна
Бөтә яңылыҡтар
МӘҘӘНИӘТ
17 Ноябрь 2020, 15:39
Еләктәй матур сағын ҡаршы алған
/
М. Кәрим исемендәге Милли Йәштәр театры актрисаһы, Башҡортостандың атҡаҙанған артисы, моңло тауышлы йырсы булып та танылған Гөлшат Ғайсина күркәм ғүмер байрамын билдәләне.
Еләктәй матур сағын ҡаршы алған актриса кисә көн дауамында бихисап ҡотлауҙар ҡабул иткән. “Шундай матур, йылы һүҙҙәр, изге теләктәр ишеттем! Дуҫтарыма, коллегаларыма, туғандарыма, ғаиләмә, тамашасыларыма ҙур рәхмәт! Уларҙың изге теләктәре үҙҙәренә лә меңләтә әйләнеп ҡайтһын!
Иртәнсәк үк курьер Францияла уҡыған ҡыҙымдың ҡотлау сәләмен – матур гөлләмә һәм бүләк алып килеп тапшырҙы. Көнөм бик матур үтте, Аллаға шөкөр!” – тип ҡыуанысы менән уртаҡлашты актриса.
Белеүебеҙсә, 7 ноябрҙә М. Кәрим исемендәге Милли Йәштәр театрында Гөлшат Ғайсинаның “Күперҙәр” тип аталған концерты үтергә тейеш ине. “Концертым әлегә март айына күсерелде, Алла бирһә, бөтәбеҙ ҙә иҫән-һау булып осрашырға яҙһын!” – тине Гөлшат.
Талантлы актрисаны күркәм байрамы менән тәбрикләп, уңыштар, яңынан-яңы сағыу ролдәр, именлек һәм һаулыҡ теләйбеҙ.
Фото: Г. Ғайсинаның “Бәйләнештә” социаль селтәрендәге сәхифәһенән.
Автор: Гөлдәр Яҡшығолова.
https://bash.rbsmi.ru/articles/-bi-t-m-m-ni-t/El-kt-y-matur-sa-in-arshi-al-an-547748/
Читайте нас:
© 2025 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-95
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-15-62
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95