Хәйбулла хәбәрҙәре
+2 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
МӘҘӘНИӘТ
2 Ноябрь 2020, 19:11
Флешмобтарға ҡушылығыҙ!
Быйыл театрҙар, филармониялар, китапханалар һәм музейҙар Халыҡтар берҙәмлеге көнөнә арналған сараларҙы – концерттарҙы, экскурсияларҙы, оҫталыҡ дәрестәрен онлайн тәртиптә ойошторасаҡ.
Быйыл 4 ноябрҙәге Халыҡтар берҙәмлеге көнөнә арналған саралар онлайн режимда үтәсәк. Был ғәмәл, ил халҡына бығаса булмағанса интернет-челендждарҙа һәм флешмобтарҙа берләшеү мөмкинлеген бирәсәк. Шулай итеп, байрам атамаһы тағы ла ҙурыраҡ символик әһәмиәткә эйә буласаҡ.
3 ноябрҙә мәҙәниәт һәм сәнғәт учреждениелары “Сәнғәт төнө” Бөтә Рәсәй акцияһында ҡатнашасаҡ, ул “Сәнғәт берләштерә” девизы аҫтында үтәсәк.
Театрҙар, филармониялар, китапханалар һәм музейҙар тура трансляциялар, онлайн-концерттар, виртуаль экскурсиялар, оҫталыҡ дәрестәре һәм башҡа саралар ойошторасаҡ. Тулыраҡ программа Мәҙәниәт министрлығы сайтында ҡуйылған (
https://culture.bashkortostan.ru/presscenter/news/316..
)
2-4 ноябрҙә Халыҡтар дуҫлығы йорто филиалдары – тарихи-мәҙәни, милли-мәҙәни үҙәктәр социаль селтәрҙәрҙә “Тәмле, милли” кулинар флешмобын уҙғара (
#ВкуснонациональноБашкоротостан
).
Уның үҙенсәлеге шунда: билдәле шәхестәр төрлө тәмлекәстәр бешереп ҡыуандырасаҡ.
4 ноябрҙә Ф. Ғәскәров исемендәге халыҡ-бейеүҙәре дәүләт ансамбле “Тикток” селтәрендәге
#Танцуютвсе
Бөтә Рәсәй флешмобына ҡушыласаҡ. Шулай уҡ балалар һүрәттәре буйынса
#Сильныеединые
акцияһы ла үткәрелә.
2-4 ноябрҙә популяр артистар, Башҡортостандағы төрлө милләт блогерҙары социаль селтәрҙәрҙә Мостай Кәримдең “Рус түгелмен, ләкин россиян мин” шиғырын уҡыясаҡ (
#Поэзией
Едины,
#МинРоссиянмын
), әҫәрҙе һәр кем үҙ телендә тамамлаясаҡ.
Унан тыш, Мәҙәниәт министрлығының Гуманитар тикшеренеүҙәр үҙәге М. Аҡмула исемендәге Башҡорт дәүләт педагогия университеты, “Рәсәй – Минең тарихым” тарихи паркы менән берлектә онлайн түңәрәк өҫтәл ойошторасаҡ.
Фото: Олег Яровиков.
Автор: Гүзәлиә Балтабаева
https://bash.rbsmi.ru/articles/-bi-t-m-m-ni-t/Fleshmobtar-a-ushili-i-525262/
Читайте нас:
Новости партнеров
Радий Хабиров: «Для нас большая честь встречать в Уфе президента страны»
Владимир Путин форумның пленар утырышында чыгыш ясады
Владимир Путин из Уфы открыл новые спортивные объекты в российских регионах