-6 °С
Болотло
Бөтә яңылыҡтар
МӘҘӘНИӘТ
3 Сентябрь 2020, 16:01
Өфөгә «Евразия йөрәге»нә Пелагея, Любовь Казарновская һәм Олег Газманов килә
/
11 һәм 12 сентябрҙә «Торатау» конгресс-холы амфитеатрында V «Евразия йөрәге» халыҡ-ара сәнғәт фестивале ойошторола.
11 сентябрҙә бер нисә проект үткәрелә: Милли кейем байрамы, «Ufa-KuraiFest», «Этнотөн» һәм Надежда Бабкинаның Бөтә Рәсәй фестиваль-марафоны. Ғәҙәттәгесә, «Ҡурайфест»а Х. Әхмәтов исемендәге Башҡорт дәүләт филармонияһының ҡурайсылар ансамбле, Башҡортостан Республикаһының Линар Дәүләтбаев етәкселегендәге Милли халыҡ уйын ҡоралдары оркестры, «Йатаған» һәм «Арғымаҡ» төркөмдәре ҡатнаша.
«Этнотөн» проекты барышында Рәсәйҙең халыҡ артисы Надежда Бабкина һәм «Рус йыры» Мәскәү дәүләт академия фольклор театры, «Буран ауылы инәйҙәре», «Khoomei Beat» төркөмдәре сығыш яһай. Көндөң хедлайнеры — «Пелагея» этно-рок проекты.
12 сентябрҙә «Евразия йөрәге» программаһын Бөйөк Еңеүҙең 75 йыллығына арналған концерт дауам итә. Өфөләрҙе һәм баш ҡала ҡунаҡтарын Башҡортостандың халыҡ артисы Асҡар Абдразаҡов һәм Х.Әхмәтов исемендәге Башҡорт дәүләт филармонияһының Башҡортостандың халыҡ артисы Олег Ҡасимов етәкселегендәге Эстрада-джаз оркестры ҡотлай.
Был көндә «Евразия йөрәге» фестивале сәхнәһенә «Үлемһеҙ полк» программаһы менән Рәсәйҙең опера йырсыһы Любовь Казарновская сыға. Кисәнең хедлайнеры – Рәсәйҙең халыҡ артисы Олег Газманов.
Бишенсе «Евразия йөрәге» фестивале сағыу фейерверк менән тамамлана.
«Форумды ойоштороусылар йәнә баш ҡала халҡын һәм ҡунаҡтарын донъя кимәле менән таң ҡалдырырға әҙер. Рәсәйҙә һәм сит илдәрҙә ошондай open-air форматында уҙғарылған фестивалдең аналогы юҡ, ул Рәсәйҙең иң яҡшы 10 фестивале иҫәбенә инә, — тип хәбәр итте ойоштороусылар «Башинформ» агентлығына. — Донъяла COVID-19 менән хәлгә бәйле ойоштороусылар фестиваль көндәрен ҡыҫҡартты. Быйыл V юбилей фестивале 11 һәм 12 сентябрҙә ойошторола. Бөтә һаҡлыҡ саралары үтәлә».
«Евразия йөрәге» халыҡ-ара сәнғәт фестивален ойоштороусы – Башҡортостан Республикаһының Мәҙәниәт министрлығы. Генераль мәғлүмәт партнеры – «БСТ» телеканалы.
Ләйлә Аралбаева.
https://www.bashinform.ru/bash/1488291/
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95