-6 °С
Болотло
Бөтә яңылыҡтар
МӘҒАРИФ
15 Декабрь 2020, 23:26
Балалар юл ҡағиҙәләрен өйрәнә
*
Башҡортостан мәктәптәренең башланғыс класс уҡыусылары “Хәүефһеҙ юлдар” Бөтә Рәсәй олимпиадаһына ҡушылды. Был сара ил Президенты Владимир Путиндың май указдарына ярашлы тормошҡа ашырылған “Мәғариф” милли проектына ярашлы мөмкин булды.
Үҙенсәлекле ярышта ҡатнашыу бушлай, ул 30 ноябрҙә УЧИ.РУ платформаһында старт алды һәм 11 декабргә тиклем дауам итәсәк.
Республиканың Мәғариф һәм фән министрлығынан хәбәр итеүҙәренсә, олимпиаданың тәүге көнөндә Башҡортостандың барлыҡ белем усаҡтарында видеодәрес алымында юл хәрәкәте ҡағиҙәләренә арналған класс сәғәттәре үткән. Дәрес ваҡытында уҡытыусылар балаларға хәүефһеҙлек нигеҙҙәрен тағы бер тапҡыр иҫкә төшөргән, шулай уҡ юл хәрәкәте ҡағиҙәләренә арналған йәнһүрәт күрһәтелгән.
Тәүге видеодәресте Балалар йәрәхәтләнеүен иҫкәртеү буйынса республика ресурс үҙәге етәксеһе Эльвира Шәймөхәмәтова менән Башҡортостан Республикаһы буйынса Эске эштәр министрлығының Юл хәрәкәте хәүефһеҙлеге дәүләт идаралығының өлкән инспекторы Алина Әхмәтшина үткәргән.
Башҡортостан Республикаһы буйынса Эске эштәр министрлығының Юл хәрәкәте хәүефһеҙлеге дәүләт идаралығының пропаганда буйынса бүлеге инспекторы Ләйсән Исламғәлиева билдәләүенсә, балаларҙың юл-транспорт осраҡтарында йәрәхәтләнеүен иҫкәртеү һәм кәметеү буйынса эш даими алып барыла. “Бында сараларҙы беҙ уйын, квест, викториналар рәүешендә, йәғни балаларға ҡыҙыҡлы итеп ойошторорға тырышабыҙ”, - тине ул.
“Хәүефһеҙ юлдар” Бөтә Рәсәй олимпиадаһында әүҙем ҡатнашыу, уға ярашлы төрлө асыҡ дәрестәр, онлайн алымда саралар үткәреү ҙә ошо изге маҡсатта эшләнә.
Фото: delovesti.ru
Автор: Гөлдәр Яҡшығолова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95