Хәйбулла хәбәрҙәре
+10 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
ХӘЛ-ВАҠИҒАЛАР
25 Ноябрь 2020, 16:06
Башҡортостанда автомобиль Ыҡ йылғаһына ҡолаған: ике ир һәм бер ҡатын һәләк булған
/
Башҡортостанда 25 ноябрҙә төндә Йәрмәкәй районында урындағы әһәмиәттәге Таркаҙы – Новотроевка автомобиль юлының 55-се саҡрымында «ВАЗ-2109» ҡатнашлығында үлемесле юл фажиғәһе теркәлгән. Ваҡиға урынына Рәсәйҙең Ғәҙәттән тыш хәлдәр министрлығынан ике махсус машина һәм шәхси составтан биш кеше ебәрелгән.
Авария һөҙөмтәһендә машинаның Ыҡ йылғаһына ауғаны билдәләнгән. Уны һыуҙан тартып сығарыу өсөн «МАЗ» краны йәлеп ителгән. Автомобилде сығарғас, юл-транспорт ваҡиғаһында өс кешенең – ике ирҙең һәм бер ҡатындың һәләк булыуы асыҡланған. Аварияла иҫән ҡалған 23 йәшлек иргә амбулатор дауаланыу талап ителгән.
«Урында йәшәгән 25 йәшлек ир, «ВАЗ-2109» машинаһы менән ауыл-ара юлдан китеп барғанда күпергә етер алдынан юлдағы кәртәгә бәрелеп, йылғаға ҡолаған. Водитель һәм уның ике пассажиры ашығыс ярҙам килеп еткәнсе йән биргән», — тип аңлатма бирҙеләр република Дәүләт автоинспекцияһының матбуғат хеҙмәтендә.
Башҡортостан Республикаһы Ғәҙәттән тыш хәлдәр министрлығының матбуғат хеҙмәте мәғлүмәттәре буйынса, юлда хәрәкәт сикләнмәгән. Фажиғәнең сәбәптәре асыҡлана. Урында ЮХХДИ хеҙмәткәрҙәре эшләй.
Фото: Башҡортостан Республикаһы Ғәҙәттән тыш хәлдәр министрлығының матбуғат хеҙмәте.
«Башинформ» мәғлүмәт агентлығы.
https://www.bashinform.ru/bash/1525963/
Читайте нас: