+11 °С
Болотло
Бөтә яңылыҡтар
ХӘЛ-ВАҠИҒАЛАР
19 Июль 2020, 09:08
"Улым үлде, ҡәбер ҡаҙығыҙ..."
Битараф булмаған бар халыҡ уның балаһын эҙләгән саҡта әсә кеше шыр иҫерек ятҡан...
Биш йәшлек бала һыу буйында юғалған тигән хәбәр билдәле булғас, йөрәктәр жыу итеп ҡалды. Һәр кем үҙенең яҡындары тураһында уйланы, таныш булмаған сабыйҙы йәлләп, уның өсөн ҡайғырып күңеле һыҙланы. Бындай ҡот осҡос мәлдә ата-әсәһе ни эшләйҙер тип уларҙы ла ҡайғыртыусы күп булды.
Ә малайҙың әсәһе был ваҡытта нимә эшләгән тип уйлайһығыҙ? Ҡыҙғанысҡа ҡаршы, шыр иҫерек ятҡан. Ирекмәндәр, битараф булмаған кешеләр сабыйҙы эҙләгән саҡта ул өйөндә булған тиҙәр.
Хәтерегеҙгә төшөрәбеҙ, малай 15 июлдә кискә ҡарай Шишмә районында Дим йылғаһында ғәйеп булғайны. Баланың атаһы ике ай элек һәләк булған. Һәм уның тағы өс туғаны бар.
“Әле әсәһе икенсе ир менән йәшәй. Улар һыу буйына килгән, эсергә лә алғандар. Иҫергәс, бәләкәскә иғтибар итмәгәндәр. Ҡатындың дүрт балаһы бар. Әле был улы юғалғас, ҡалғандарын опека килеп алған”, – тип һөйләгән “ГорОбзор” баҫмаһына ғаиләне белгән кешеләр.
Юғалған малай тыныс, йомоҡ, үҙ йәше өсөн бик бәләкәй һәм ябыҡ ҡына булған.
“Ул бигерәк бәләкәй ине. Кешеләр менән шым ғына һөйләшә, ишетер өсөн һәр ваҡыт кире һорарға кәрәк. Әсәһе уны һәр ваҡыт әрләй торғайны, “хас атаһы” тип тә ярһый ине. Малай юғалған көндә ул нимә булғанын аңламаны ла. Кеше эҙләй башлаған саҡта ҡайтып киткән, икенсе көнө лә шылтыратҡас, йоҡлап ятҡаны асыҡланған”, – ти шул уҡ кеше.
Әйткәндәй, әсә кешегә ни бары 29 йәш. Уның был ҡот осҡос хәлгә ҡарашы бик күптәрҙе аптыратҡан. Ят кешеләр, ҡотҡарыусылар һәм ирекмәндәр малайҙы эҙләгән саҡта яр буйына килеп тә әйләнмәгән.
“Халыҡ был хәлгә шаҡ ҡатты. Кешеләр баланы эҙләгән саҡта әсә, имеш, ниндәйҙер документтар эшләү менән шөғөлләнгән. Әле сабыйҙың үлгәне билдәле булмаған саҡта уҡ күршеләренә шылтыратып, улы өсөн ҡәбер ҡаҙыуҙы һораған”, – тиҙәр.
Ҡыҙғанысҡа ҡаршы, кисә водолаздар ғаилә ял иткән урындан биш километр алыҫлыҡта малайҙың кәүҙәһен тапҡан. Сабый батып үлгән. Йәшәп тә өлгөрмәгән бала бик йәл. Был осраҡ башҡаларға миҫал булһын ине. Ниндәй генә хәл булмаһын, ғәзиз сабыйҙарыбыҙҙы иғтибарҙан юғалтмайыҡ. Бала ғүмеренән ҡиммәтерәк нимә бар?
Фото: "ГорОбзор".
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95