+11 °С
Болотло
Бөтә яңылыҡтар
ХӘЛ-ВАҠИҒАЛАР
14 Май 2020, 23:08
Сүп-сар араһында – яңы тыуған сабый
Ҡот осҡос ваҡиға бөгөн таңда Туймазы ҡалаһында теркәлә
Ҡот осҡос ваҡиға бөгөн таңда Туймазы ҡалаһында теркәлә. Иртәнге сәғәт 7-лә урам һепереүсе Ленин урамындағы йорттарҙың береһе янына ҡуйылған сүп-сар контейнерында бала илағанын ишетеп ҡала.
Ир бак янына килгәс, бәләкәй генә ҡулды шәйләй. Сабый пакет эсендә ятҡан була. Ир шунда уҡ уны йылы бүлмәгә алып бара һәм табиптар менән полицияны саҡырта. Яңы тыуған бала малай булып сыға.
Башҡортостан буйынса Эске эштәр министрлығы матбуғат хеҙмәтенән хәбәр итеүҙәренсә, “ҡайнар эҙҙәр” буйынса әсәй кеше табылған. Ул - ошо ҡаланан 36 йәшлек кеше. Ҡатын бәлиғ булмаған ике балаһы менән ағаһында йәшәй. Күрәһең, өсөнсөһөнә урын табылмаған...
Яҡынса мәғлүмәттәр буйынса, ҡатын сабыйын таңғы сәғәт 4-тә ағаһының фатирында тыуҙырған. Хужа был ваҡытта өйҙә булмаған. Бәпес тыуыу менән “әсәй” унан ҡотолмаҡсы булып, сүп-сар һауытына сығарып ташлаған.
Туймазы районы буйынса тәфтиш бүлексәһе ҡатынға ҡарата енәйәт эше ҡуҙғатҡан. Бәпес иһә дауаханала, уның һаулығына бер ниндәй ҙә хәүеф янамай.
“Ҡатынға ҡарата тәфтиш эштәре дауам итә, уның йәшәү шарттары өйрәнелә, ғаилә ағзаларынан һорау алына, ни өсөн енәйәткә барғаны асыҡлана”, – тинеләр Тәфтиш комитетының матбуғат хеҙмәтендә.
Фото: "Башинформ".
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95