+29 °С
Болотло
ХӘҮЕФҺЕҘЛЕК
30 Март 2021, 05:27
Сабыйҙың хәле ауыр...
/
Күгәрсен районында дүрт йәшлек сабый һаҡһыҙлыҡ арҡаһында утта бешкән. Ғәҙәттән тыш хәлдәр министрлығының матбуғат хеҙмәтенән хәбәр итеүҙәренсә, бала термик бешеү һөҙөмтәһендә реанимация бүлексәһенә эләккән. Хәле бик ауыр, тип баһалайҙар.
Ата-әсәһенең әйтеүенсә, газ плитәһендә ашарға әҙерләгәндә малай уйынсығын конфоркаға тыҡҡан. Өлкәндәр өйҙә булған, әммә баланың ни эшләгәнен иғтибарлап күҙәтмәгәндәр.
-2021 йылда республика биләмәһендә янғын арҡаһында өс бала һәләк булды,- тип хәбәр иттеләр ведомствола .- Төп сәбәп – балаларҙың ут менән шаярыуы. Ҡағиҙә булараҡ, өлкәндәр сабыйҙарына тейешле иғтибар бирмәй, шул арҡала фажиғәләр тыуа.
Фото:” Башинформ.”
Автор: Дина Арсланова.
https://bash.rbsmi.ru/articles/kh-ef-e-lek/Sabiy-i-h-le-auir-738829/
