+11 °С
Болотло
Бөтә яңылыҡтар
ХӘҮЕФҺЕҘЛЕК
21 Декабрь 2020, 21:26
Яңы йыл байрамдары хәүефһеҙ үтһен өсөн
Иҫкәртеү саралары бөгөндән башланды. Ял көндәрендә махсус дежурлыҡтар ойоштороласаҡ.
Яңы йыл байрамы, ялдар осоронда кем һәм нисек хәүефһеҙлекте тәьмин итәсәк? Был турала бөгөн Хөкүмәттә үткән оператив кәңәшмәлә һөйләшеү булды.
Рәсәй Ғәҙәттән тыш хәлдәр министрлығының Башҡортостан буйынса Баш идаралығы начальнигы Марат Латипов белдереүенсә, 31 декабрҙән алып 10 ғинуарға тиклем көндәлек дежурға 2150 кеше һәм 850 берәмек техника сығасаҡ. Бөгөндән 800 иҫкәртеү төркөмө эшләй, уларға, ҡотҡарыусыларҙан тыш, урындағы үҙидара органдары вәкилдәре, Эске эштәр министрлығы, социаль яҡлау хеҙмәткәрҙәре лә инә. Улар шәхси йорттарҙы, баҡсасылар ширҡәттәрен, асоциаль граждандар йәшәгән урындарҙы, мейес һәм газ менән яғылған шәхси йорттарҙы тикшерәсәк. Был рейдтар Яңы йыл каникулдары осоронда ла дауам итәсәк.
Ғәҙәттән тыш хәлдәр министрлығы хеҙмәткәрҙәре Яңы йыл саралары үткән, пиротехника һатылған урындарҙы тикшерәсәк, фейерверктарҙы хәүефһеҙ аттырыу өсөн махсус майҙансыҡтар ойошторасаҡ.
Марат Латипов хакимиәт башлыҡтарына мөрәжәғәт итеп, урындарҙа янғын хәүефһеҙлегенә контролде көсәйтергә, ҡар яуған осраҡта уны тиҙ арала йыйыштырыу, ирекле янғын дружиналары техникаһын йылы бокстарға индереүҙе ойошторорға ҡушты.
Эске эштәр министрлығының Башҡортостан буйынса идаралығында йәмәғәт тәртибен һаҡлау буйынса полиция начальнигы урынбаҫары вазифаһын башҡарыусы Айҙар Зөбәйеров белдереүенсә, Яңы йылды билдәләү сараларында 500 мең самаһы кеше ҡатнашасаҡ.
21 декабрҙән министрлыҡтың Оператив штабы янында махсус төркөм эшләй башланы. Бында барлыҡ мәғлүмәт йыйыласаҡ һәм көс структуралары эшмәкәрлеге координацияланасаҡ. Яңы йыл төнөндә 2000 самаһы хеҙмәткәр, 200 ЮХХДИ инспекторы, 200 һаҡ предприятиеһы хеҙмәткәрҙәре, 1500 йәмәғәт ойошмаһы һәм берекмәһе вәкилдәре дежурға сығасаҡ. Каникулдарҙың һәр көнөндә резервта 500 самаһы полиция хеҙмәткәре, шулай уҡ Росгвардияның ОМОН хеҙмәткәрҙәре буласаҡ.
Радий Хәбиров муниципалитет башлыҡтарына байрам осоронда кешеләрҙең хәүефһеҙлеген тәьмин итеү өсөн мөмкин булған бөтә сараларҙы күрергә ҡушты.
Фото: Башҡортостан Башлығы сайты.
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95