Хәйбулла хәбәрҙәре
+10 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
ХӘҮЕФҺЕҘЛЕК
5 Ноябрь 2020, 21:15
"Күрмәй ҡалдым..."
Ауылдан апаһын һәм атаһын ултыртып, сәғәтенә 70 километр тиҙлектә килгән. Ә юлда кеше ятҡан...
Ҡырмыҫҡалы районында үлемесле юл-транспорт ваҡиғаһы теркәлгән – ҡатын-ҡыҙ водитель аңғармаҫтан кеше тапатҡан. Олокүл – Ҡабаҡ – Һыуыҡ Шишмә юлының 8-се километрында “Skoda Oktavia” автомобиль тәгәрмәсе аҫтына 43 йәшлек ир эләгә. Әйтеүҙәренсә, ул иҫерек булған һәм юлда ултырған. Һөҙөмтәлә йәйәүле тапалған ерендә үк йән биргән.
43 йәшлек ҡатын-ҡыҙ водитель әйтеүенсә, юлда шәп килмәгән, фар яҡтыһында хәүефләнерлек бер ни ҙә күренмәгән. “Ауылдан апайымды һәм атайымды ултыртып, сәғәтенә 70 километр тиҙлектә килә инем. Һул яҡтан нимәлер бәрелде. Тәүге уй: берәй йәнлек һуғылғандыр. Кемделер тапатҡанмындыр тигән уй башҡа инеп тә сыҡманы, сөнки юлда хәрәкәт итеүсе тойолманы. Ул йә ултырған, йә ятҡан булғандыр...” - ти ул.
Әле хәл-ваҡиғаның сәбәптәрен асыҡлау өҫтөндә эшләйҙәр. Ноябрҙә бер көндә генә республика юлдарында ете автомобиль аварияһында дүрт кешенең үлеүе, алтауһының төрлө тән йәрәхәттәре алыуы теркәлгән.
Юлдағыларҙың имен-һау йөрөүен теләйбеҙ!
Фото: vk.com
Автор: Аклима Гизатуллина
https://bash.rbsmi.ru/articles/kh-ef-e-lek/K-rm-y-aldim-527389/
Читайте нас: