-7 °С
Болотло
Бөтә яңылыҡтар
КЕШЕ ҺӘМ ЗАКОН
11 Апрель 2021, 11:59
Колледжда етемдәрҙең аҡсаһын урлағандар...
"5,3 миллион һумдан ашыу бюджет аҡсаһы бухгалтерия хеҙмәткәрҙәре исеменә теркәлгән банк карталарына күсерелгән. Һөҙөмтәлә..."
Илеш районы прокуратураһы менән Башҡортостан буйынса Эске эштәр министрлығының иҡтисади хәүефһеҙлек бүлеге хеҙмәткәрҙәре берлектә Башҡорт аграр-технология колледжында бюджет ҡануниәте үтәлешен тикшергән.
Асыҡланыуынса, былтыр учреждение директоры бухгалтерия хеҙмәткәрҙәре менән берлектә етем һәм социаль йәһәттән аҙ тәьмин ителгән балаларға тәғәйенләнгән аҡсаны урлау буйынса план төҙөгән. Был сумма туҡланыуға, стипендияға һәм кейендереүгә бүленгән булған.
“Колледж етәксеһе күрһәтмәһе буйынса бухгалтерия хеҙмәткәрҙәре ялған банк түләү документтарын һәм реестрын әҙерләгән, унда аҡса алыусылар тураһында ялған мәғлүмәт индерелгән. Һөҙөмтәлә 5,3 миллион һумдан ашыу бюджет аҡсаһы бухгалтерия хеҙмәткәрҙәренә теркәлгән банк карталарына күсерелгән, әшнәләр уны үҙ мәнфәғәтендә файҙаланған”, – тип хәбәр итәләр Башҡортостан прокуратураһынан.
Прокурор тикшереүҙәре материалдары Рәсәй Тәфтиш комитетының Башҡортостан буйынса идаралығына енәйәти-хоҡуҡи баһа биреү өсөн ебәрелгән. Элекке директорға, дүрт бухгалтерия хеҙмәткәренә “айырыуса ҙур күләмдә мутлашыу” статьяһы буйынса енәйәт эше ҡуҙғатылған.
Рәсәй Тәфтиш комитетының Башҡортостан буйынса идаралығы матбуғат хеҙмәтенән хәбәр итеүҙәренсә, шик аҫтында булғандар менән тикшереү эштәре алып барыла, шулай уҡ уларға сикләү сараһы ҡарала. Тәфтишселәр колледж хеҙмәткәрҙәренән, уҡыусыларҙан һорау ала, урлашыу фактын асыҡлау маҡсатында учреждениеның финанс-хужалыҡ эшмәкәрлеге өйрәнелә, енәйәт ҡылыуға булышлыҡ иткән сәбәптәр, шарттар асыҡлана, килтерелгән зыянды ҡаплатыу саралары күрелә.
Фото: news.myseldon.com
Автор: Рәмилә Мусина
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95