-9 °С
Болотло
Бөтә яңылыҡтар
КЕШЕ ҺӘМ ЗАКОН
24 Ноябрь 2020, 00:51
Суд башланды: Рәмил Шәмсетдиновҡа нимә янай?
"Ул ғүмеренең аҙағына тиклем төрмәлә ултырырға тейеш", - тип белдерҙе әсә кеше.
Бөгөн Читалағы хәрби гарнизон судында Рәмил Шәмсетдиновҡа хөкөм эше ҡарала башланды. Хәтерегеҙгә төшөрәбеҙ, һалдат былтыр 25 октябрҙә Байкал аръяғында һигеҙ хеҙмәттәшен атып үлтерә, икәү яралана. Рәмил часта “бабайсылыҡ” булыуы, уны һуңғы сиккә еткереүҙәре тураһында һөйләй.
Һәм бына бөгөн, ниһайәт, суд башланды. Уның адвокаттарының һорауы буйынса, процесс Рәмилдән һорау алыуҙан башланған. Әйткәндәй, суд залына, урын юҡ тигән һылтау менән, журналистарҙы индермәгәндәр.
Шулай итеп, Рәмил судта, часта уставҡа инмәгән мөнәсәбәттәр, анығыраҡ әйткәндә, "бабайсылыҡ" булды, тигән. Әйтеүенсә, бындай хәл егет армияға килеп, бер аҙна үткәс тә башланған. Тәүҙә унан дембелгә сығырға йыйынған өлкәндәр аҡса таптырған. Бының өсөн Рәмилдең атаһы йыш ҡына улының картаһына аҡса күсереп торған. Шулай уҡ уға уставта ҡаралмаған эштәр ҡушҡандар. Йәберләгәндәр араһынан Рәмил үҙе үлтергән лейтенант Пьянковты атаған. Фажиғәгә бер нисә көн алда лейтенант уның башын унитазға тығасағын әйткән. Шулай уҡ көсләү менән янағандар. Ошо һәм башҡа хәлдәр аша өлкән һалдаттар уны критик хәлгә еткергән.
Рәмилдең атаһы улын 5-10 йылға иркенән мәрхүм итерҙәр тип өмөтләнә. Ә Ырымбур яғынан килгән ҡатын - үлтерелгән һалдаттарҙың береһенең әсәһе - белдереүенсә, уның улы һис кемгә зыян килтерерлек кеше булмаған. Рәмил ғүмеренең аҙағына тиклем төрмәлә ултырырға тейеш, тип иҫәпләй ҡатын.
Артабан ни булыр - барыһын да ваҡыт күрһәтер.
Фото: ancienthistory.spb.ru
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95