+11 °С
Болотло
Бөтә яңылыҡтар
ИҠТИСАД
16 Май 2023, 16:29
Башҡортостандың махсус иҡтисади зонаһында ZASPORT фабрикаһы асылды
16 майҙа «Алға» махсус иҡтисади зонаһында ZASPORT фабрикаһын асыу тантанаһы уҙҙы
Башҡортостандың махсус иҡтисади зонаһында ZASPORT фабрикаһы асылды
16 майҙа «Алға» махсус иҡтисади зонаһында ZASPORT фабрикаһын асыу тантанаһы уҙҙы.
Тантанала Башҡортостан Башлығы Радий Хәбиров, брендҡа нигеҙ һалған Анастасия Задорина, Рәсәйҙең Олимпия комитеты президенты Станислав Поздняков һәм башҡалар ҡатнашты.
«Белеүегеҙсә, мин сығышым менән Ишембайҙан. Ошонда, махсус иҡтисади зона биләмәһендә, яңы предприятие асыу минең өсөн һәр ваҡыт ҙур әһәмиәткә эйә. Өс йыл элек, махсус иҡтисади зона булдырыу тәҡдимен индергән саҡта, ошондай темптар булыр тип уйламағайныҡ, әлбиттә. Бөгөн «Алға» – Рәсәй Федерацияһында йылдам үҫешкән иҡтисади зона. Бөгөнгө ваҡиғаны бик оҙаҡ көттөк. Көттөк кенә түгел, шуның өсөн күп эшләнек. Предприятиеға аҡ юл теләйем. Фабриканы асыуҙы беҙҙең хеҙмәттәшлектең башы тип иҫәпләрбеҙ», - тине Радий Хәбиров.
Анастасия Задорина һүҙҙәренсә, ZASPORT фабрикаһын асыу көнө – компания тарихында мөһим дата.
«Производство «Алға» махсус иҡтисади зонаһында урынлашҡан, был беҙгә өҫтөнлөктәр бирә, Башҡортостанға хеҙмәттәшлек һәм ярҙам өсөн бик рәхмәтлебеҙ. Фабриканы проектлау этабы 2020 йылдың июленән 2021 йылдың июленә тиклем дауам итте, һуңынан төҙөлөш эштәре башланды, улар 2022 йылдың декабрендә тамамланды. Көҙгөһөн тулы проект ҡеүәтенә сығырға иҫәп тотабыҙ, был тәүлегенә 2250 берәмек тауар тигән һүҙ. Шулай уҡ яңы эш урындары булдырабыҙ - хеҙмәткәрҙәрҙе бушлай уҡытабыҙ, кешеләргә яңы һөнәр үҙләштерергә мөмкинлек бирәбеҙ», - тине Анастасия Задорина.
ZASPORT фабрикаһы алдынғы фирмаларҙың заманса ҡорамалдары менән йыһазландырылған. Әҙер продукцияның күләме йылына 562 000 берәмеккә етеүе ихтимал. Әле фабрикаға 42 кеше эшкә урынлашҡан, бөтәһе 300-ҙән ашыу эш урыны булдырыла, тип билдәләне генераль директор. Компанияның Өфөлә фирма магазины эшләй. Инвестиция күләме 429 миллион һум тәшкил иткән.
Башҡортостандың махсус иҡтисади зонаһында ZASPORT фабрикаһы асылды
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95