Рәсәй Президенты Владимир Путин 2023 йылға хеҙмәткә түләүҙең минималь күләмен (МРОТ) 16 242 һум күләмендә билдәләгән законға ҡул ҡуйҙы. Документ рәсми хоҡуҡи мәғлүмәт порталында баҫылған.
«2023 йылдың 1 ғинуарында минималь эш хаҡы күләмен айына 16 242 һум күләмендә билдәләргә», — тиелә документ тексында. Шулай итеп, 6,3% арттырыу ҡаралған.
Хәтерегеҙгә төшөрәбеҙ, быйыл МРОТ-ты ике тапҡыр арттырҙылар: 1 ғинуарҙан ул 13 890 һумғаса арттырылды, ә 1 июндән 15 279 һумға еткерелде.
Бөгөнгә Башҡортостанда МРОТ Урал коэффициенты менән 17 571 һум тәшкил итә.
https://bash.bashinform.ru/news/economy/2022-12-19/2023-yyldy-1-inuarynan-minimal-esh-ha-y-k-l-me-ayyna-16-242-um-bula-3078696