+23 °С
Болотло
ФАЙҘАЛЫ КӘҢӘШТӘР
18 Апрель 2022, 08:56
Үрсетмәләр ниңә оҙоная?
Тәү сиратта үҫентеләрҙең оҙонайыуына килтергән сәбәптәрҙе һанап үтәйек: көн яҡтыһы етмәүе, температураның ҡырҡа үҙгәреүе, ашламаларҙы дөрөҫ ҡулланмау, үҫентеләрҙе пленка йә япма аҫтында оҙаҡ тотоу, орлоҡто ҡуйы итеп сәсеү, һыуҙы күп ҡойоу.
Үрсетмәләр ниңә оҙоная?
Әгәр үҫентеләрегеҙ оҙонайһа, тиҙ арала махсус фитолампа ҡуйығыҙ – өҫтәмә яҡтылыҡ 12 – 18 сәғәт яҡтыртырға тейеш. Шытымдар бер-береһенә ҡамасауламаһын өсөн орлоҡтарҙы тығыҙ сәсмәгеҙ. Әгәр улар күп булһа, ҡамасаулағандарын күсереп ултыртығыҙ. Борос, баклажан, пеларгония, мәҫәлән, бер урындан икенсеһенә күсергәнде яратмай. Өйҙә һауа температураһы 24 – 25 градустан артһа, үҫентеләр тиҙ үҫә башлаясаҡ һәм яҡтыға тартыласаҡ. Һыуҙы ла күп ҡойорға ярамай. Ер дымлы булып торорға тейеш.
Бүлмәлә ултырған үҫентеләрҙе ашлау мотлаҡ түгел. Әлбиттә, шытымдар тигеҙ күтәрелмәһә, сибек булһа, япраҡтары бөрөшһә, гуматтар менән туҡландырырға мөмкин. Оҙонайған үҫентеләрҙе ҙурыраҡ һауыттарға күсереп ултыртып ҡына ҡотҡарып була.
https://yantiyak.ru/news/y-sh-khuzhabik-l-rg-/2022-04-17/rsetm-l-r-ni-o-onaya-2772486
