+11 °С
Болотло
Бөтә яңылыҡтар
ФАЙҘАЛЫ КӘҢӘШТӘР
15 Август 2020, 12:11
Лайлалы ҡусҡарҙан нисек ҡотолорға?
Быйылғы ямғырлы, эҫе йәй баҡсасыларға һынау артынан һынау өҫтәп кенә тора. Ямғырҙар башланыу менән баҡсала лайлалы ҡусҡарҙар күбәйҙе.
Быйылғы ямғырлы, эҫе йәй баҡсасыларға һынау артынан һынау өҫтәп кенә тора. Ямғырҙар башланыу менән баҡсала лайлалы ҡусҡарҙар күбәйҙе. Ниндәй генә сара күрелмәне – еңеп булмай. Беҙҙә, Өфө районында улар эре, йыйып алһаң, бер килке юҡҡа сығып торалар. Ә бына ҡәйнәмдең баҡсаһы Краснокама районында. Унда ер ҡомло һәм оҙаҡ кипмәй. Ҡусҡарҙарға үрсер өсөн иң уңайлы шарттар. Көн һайын ҡәйнәм баҡсаһы буйлап банка тотоп йүгерә, ә ҡусҡарҙар сигенергә ашыҡмай. Хатта кәмеп тә ҡарамайҙар. Уңышты ҡотҡарырға кәрәк бит! Рәсәй ауыл хужалығы үҙәгенең үҫемлектәрҙе һаҡлау бүлегенә шылтыраттыҡ.
- Лайлалы ҡусҡар (слизень) – баҡсала иң ерәнес ҡоротҡостарҙың береһе. Баҡса ҡусҡары бигерәк тә кәбеҫтәне үҙ итә. Йылы, ямғырлы йәй – уларҙың күпләп үрсеүенә сәбәпсе. Күптәр был ҡусҡарҙарҙы нимә эшләтергә, тип аптырап ҡала, - ти Мәнәүәрә Хисамутдинова һәм бер нисә халыҡ ысулын тәҡдим итә.
Бер биҙрә һыуға бер стакан 9 процентлы уксус һалырға һәм кисен кәбеҫтәгә һиптерергә. Шыйыҡса ҡусҡарҙың тәненә тейһә, яндыра икән.
Икенсе ысул - 2 аш ҡалағы нашатырь спиртын, 15 г ҡоро гәрсисте бер литр һыуға һалып, болғатып һиптертергә.
Өсөнсө ысул – ҡусҡарҙарға мунса! Был ысулды ла күп баҡсасылар маҡтай. Лайлалы ҡусҡар эҫене үҙһенмәй. Шуға ла һыуҙы 60 градусҡа тиклем йылытабыҙ ҙа лейка ярҙамында кәбеҫтәгә һибәбеҙ.
- Был ысулдарҙың береһе лә ярҙам итмәһә, химикаттар ҡулланырға кәрәк буласаҡ. Улар “Гроза” һәм “Мета” препараттары. «Слизнеед» тигән препарат та һәйбәт ярҙам итәсәк, - тип кәңәш итә Мәнәүәрә Сөләймән ҡыҙы.
Автор: Лилия Нуретдинова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95