Бөтә яңылыҡтар
ФАЙҘАЛЫ КӘҢӘШТӘР
14 Июнь 2020, 01:36

Эре һарымһаҡ йыйып алғың килһә...

Һарымһаҡтың “уҡ”тарын ваҡытында өҙөгөҙ һәм уларҙан ҡышҡылыҡҡа файҙалы тәмләткестәр әҙерләгеҙ.

Көҙ көнө эре һарымһаҡ йыйып алырға теләһәгеҙ, уның “уҡтарын” (стрелка) ваҡытында өҙөп алырға кәрәк. Һарымһаҡты ҡасан йыйып алырға кәрәклеген белеү өсөн бер нисә уҡты һабаҡта ҡалдырһағыҙ ҙа була. Улар өлгөрөп, орлоҡланһа, һарымһаҡты ҡаҙып алырға ла мөмкин тигән һүҙ.
Өҙөп алған уҡтарҙы ташларға ашыҡмағыҙ. Уларҙан ҡышҡылыҡҡа бик файҙалы тәмләткестәр әҙерләргә була. Уларҙы ваҡ итеп турап, банкаға ныҡ итеп тултырып, шул көйө һыуытҡысҡа ултыртырға мөмкин. Ҡыш көнө уны рәхәтләнеп ҡулланаһың йәки ашҡа һалаһың. Ә бына унан эшләнгән пастаны барыһы ла ярата. Уны эшләү өсөн һарымһаҡ уҡтарын ваҡ өлөштәргә турап, блендерҙа ваҡларға кәрәк. Килеп сыҡҡан массаға тәменә ҡарап бер аҙ тоҙ һәм 2-3 аш ҡалағы көнбағыш майы ҡушырға кәрәк.Тик быларҙың барыһын да һалҡын урында йәки һыуытҡыста һаҡлау талап ителә.
Фото: zen.yandex.ru
Автор: Карима Усманова
Читайте нас в