+1 °С
Болотло
Бөтә яңылыҡтар
ФАЙҘАЛЫ КӘҢӘШТӘР
11 Май 2020, 19:14
Ҡыяр мул уңыш бирһен өсөн…
Хатта насар тупраҡта ла ҡыярҙан мул уңыш алыу серен беләһегеҙме икән?
Хатта насар тупраҡта ла ҡыярҙан мул уңыш алыу серен беләһегеҙме икән? Бының өсөн уны бына хәҙер бик дөрөҫ итеп ултыртырға кәрәк. Был ысул менән ултыртыусыларға ҡиммәтле ашламалар һатып алыуҙың да хәжәте юҡ.
Иң элек шаҡтай уҡ тәрән соҡор (1 ярым көрәк тәрәнлегендә) ҡаҙырға. Соҡор төбөнә яңы өҙөп алынған кесерткән япраҡтарын (көрәк менән ваҡлап сабып) йәйергә. Ни тиклем вағыраҡ булһа, шуның ҡәҙәр һәйбәт – тиҙерәк сереп, тиҙерәк файҙа килтерә башлаясаҡ. Кесерткәнде клевер үләне лә алыштырырға мөмкин – унда азот матдәһе күп. Шунан кесерткәнде бер аҙ ғына тупраҡ менән болғатырға. Ҡатнашмаға һыу һибергә. Өҫтөнә 10 сантиметрлы компост ҡатламы һалғас, тағы һыу һибергә. Хәҙер инде ҡыяр үҫентеһен (орлоғон) ултыртырға ла була. Тупраҡ кипмәһен өсөн тирә-йүненә һалам (кипкән үлән ҡалдыҡтары) йәйергә мөмкин.
Былай эшләгәндә, ҡыяр үҫентеһе соҡор эсендә шаҡтай уҡ тәрәндә ҡала. Май айының һыуыҡ көндәрендә пленка менән ҡаплау өсөн уңайлы был. Ә инде үҫенте ҙур үҫкәс, соҡорҙо тупраҡ менән күмеп, ер менән тигеҙләргә кәрәк. Ҡыярҙың тамырҙарын нығытыу, уңышын тағы ла арттырыу өсөн шулай кәрәк.
Фото:Zen.yandex.ru
Автор: Самат Ғәлин
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95