Ҡул эштәре күҙ яуын ала

Оҫтабикәләр ябай ғына әйберҙәрҙән дә күҙҙең яуын алырлыҡ матурлыҡ булдырырға һәләтле. Аҡъяр ауылынан Мөслимә Бохарбаева  ла таҫмаларҙан матур картиналар эшләй. Ҡул эшенең бар төрөн дә үҙләштергән мәҡәләм геройы элегерәк ултырғыс ябыуҙары, салфеткалар бәйләй, сәйлән менән сәскә гөлләмәләре эшләй. Һуңғы йылдарҙа таҫмаларҙан картина эшләүгә тотона. Яратҡан шөғөлө менән ул башҡалар менән дә ихлас уртаҡлаша. Оҫтабикә үҙенең ҡул эштәре менән район кимәлендә уҙған сараларҙа, күргәҙмәләрҙә ҡатнаша.

• Картиналар эшләү менән 4 йыл мауығам. Ошо ваҡыт эсендә 50-нән ашыу картина эшләнем. Өфөгә ҡыҙыма ҡунаҡҡа барғанда Якутов исемендәге паркка ял итергә барғайныҡ, унда Сәскәләр байрамына тап булдыҡ һәм шунда бөхтә генә кейенгән бер ҡатындың картина эшләү буйынса оҫталыҡ класы үткәргәнен ҡараным, ҡул эштәре менән таныштым. Өфөнән ҡайтҡас үҙем дә картиналар эшләп ҡарарға булдым. Һуңынан был картина эшләгән Рима Абакова менән интернет аша танышып, әле аралашабыҙ. Ул минең социаль селтәрҙәргә ҡуйған ҡул эштәремде ҡарап, дәртләндереп тора, -- ти Мөслимә Бохарбаева.

Башлаған эшенең тиҙерәк осона сығырға тырышып, йоҡо менән иҫәпләшмәгән саҡтары ла йыш була икән Мөслимә апайҙың.

Мәҡәләне тулыраҡ гәзитебеҙҙең 101-се һанында уҡығыҙ.