+11 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
11 Февраль 2021, 11:06
Туған телгә һөйөү, уны өйрәнеү балалар баҡсаһынан уҡ башланырға тейеш
-
Был турала республика башлығы Радий Хәбиров былтыр Ғафуриҙа үткән төбәк-ара форум барышында белдергәйне. Мифтахетдин Аҡмулла исемендәге Башҡорт дәүләт педагогия университеты «Остаз» проектына старт бирҙе. Уға ярашлы, мәктәпкәсә учреждение тәрбиәселәре диалект үҙенсәлектәренә нигеҙләнеп туған телде өйрәтеү нескәлекәренә төшөнә. Ентекләберәк БСТ каналы хәбәрсеһе Әлфинә Килдейәрова әҙерләгән яҙмала.
Билдәле педагог Ян Амос Каменский һүҙҙәренсә, уйын йүнәлешендә уҡытыу балаларҙы телде өйрәнеүгә дәртләндерә һәм ҡыҙыҡһыныу уята. Шуға күрә, мәктәпкәсә учреждениела уҡ туған телдә һөйләшеү, уға һөйөү уятыу мөһим. Әммә өйҙә диалект телендә һөйләшкән кескәйҙәр, балалар баҡсаһына килеү менән әҙәби тел менән осраша. Педагогтар фекеренсә, балаларҙы диалект үҙенсәлектәренә нигеҙләнеп уҡытыу күпкә ыңғай һөҙөмтә бирәсәк.
Педагогия университетының «Остаз» балалар баҡсаһы тәриәселәренең педагогик оҫтаханаһы 2 миллион һумлыҡ грант ота. Аҡсалата ярҙам Граждандар йәмғиәтенә булышлыҡ итеү фондының гранттар конкурсы сиктәрендә бүленә. Финанслауҙа Педагогия университеты ла ҡатнаша. Проект авторҙары билдәләүенсә, «Остаз» оҫтаханаһы диалект һүҙҙәренә нигеҙләнеп башҡорт телен өйрәтеүгә булылыштыҡ итәсәк. Проектҡа старт Стәрлебаш районында бирелә. Кәңәшмәгә Әбйәлил һәм Борай райондары вәкилдәре лә бәйләнешкә сыҡты.
Заманса балалар баҡсаһы - ул асыҡ белем биреү системаһы. Мәктәпкәсә учреждениела кескәйҙәр уйын форматында ойошторолған тәрбиәүи сараларҙа ҡатнашырға, аралашырға һәм эш итеү тәжрибәһенә өйрәнеп үҫә. Был процесты юғары кимәлдә алып барыу өсөн тәрбиәселәрҙең белем кимәлен дә камиллаштырыу мөһим. Проектта ҡатнашыусы белгестәр тәү сиратта тест үтә. Уның ярҙамында ниндәй йүнәлешкә баҫым яһарға икәнлеге асыҡлана.
Төрлө фәндәргә яраҡлаштырылып эшләнгән ҡушымталар, программалар, интерактив технология һәм уларҙы эшләү ресурстары бихисап. Шул уҡ ваҡытта башҡорт теле уҡытыусылары өсөн бындай мөмкинлектәр сикләнгән. «Остаз» проекты сиктәрендә һанлы технологияларҙы үҙләштереү серҙәренә төшөнә ала. Был осраҡта заман технологияларын үҙләштереү генә лә түгел, балалар баҡсаһының матди-техник базаһын нығытыу ҙа мөһим.
«Остаз» проекты сиктәрендә уҡытыу семинарҙарынан тыш, профессиональ әҙерлек һәм квалификация күтәреү курстары ойоштороласаҡ. Киләһе майҙансыҡ көньяҡ диалектына бағышлана һәм ул Әбйәлил районы тәрбиәселәре өсөн үткәрелә.
Автор: Әлфинә Килдейәрова.
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95