ҠАН БАҪЫМЫН НИСЕК КӨЙЛӘРГӘ?

Бер ниндәй дарыуҙар ҡабул итмәйенсә генә ҡан баҫымын көйләүҙең ябай ысулдары бар. Белгестәр әйтеүенсә,
ҡан баҫымы бик юғары булғанда ла уны төшөрөүҙә йәшәү рәүешен коррекциялау бик һөҙөмтәле сара булырға мөмкин. Шулай уҡ был гипертониктарға ҡулланыла торған дарыуҙар һанын кәметергә мөмкинлек бирә.
Шулай итеп, баҫымды көйләүгә ябығыу ҙа ярҙам итә. Хатта 4 килограмм артыҡ ауырлыҡ ҡан баҫымын 10 мм терегөмөш бағанаһына күтәреүгә килтерә.
Бынан тыш, тоҙҙан баш тартыу һәм туҡланыу рационын бушатыу файҙалы – диета йәшелсә, еләк-емеш һәм майһыҙ һөт продукттарын үҙ эсенә алырға тейеш.
Артериаль ҡан баҫымының кәмеүенә физик әүҙемлек ярҙам итә. Спорт менән шөғөлләнеү йөрәкте һәм ҡан тамырҙарын нығыта.
Тағы ҡыҙыл сөгөлдөр һуты, һарымһаҡ һәм магний ҡан алыу баҫымын түбәнәйтеү мөмкинлеген бирә. Сөгөлдөр һутын көн һайын 250 миллилитр эсергә тура киләсәк, ә һәр доза магний тәүлегенә 300- ҙән 500 миллиграмға тиклем тәшкил итә.
Ҡан тамырҙары киңәйеүе һәм ҡан баҫымы кәмеүгә саунала булыу ҙа ярҙам итә ала, әммә бындай ысул һау кешеләргә генә тура килә. Шулай уҡ йылына дүрт тапҡыр ҡан доноры булыу һөҙөмтәле ысул.

Автор: Айнур Акилов.