Хәйбулла хәбәрҙәре
+10 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
ДӨЙӨМ МӘҠӘЛӘЛӘР
17 Ноябрь 2020, 14:40
ЛИМОНДЫ ДӨРӨҪ ҠУЛЛАНАБЫҘМЫ?
-
Үҙенсәлекле емеш
Юғары ҡан баҫымы хәҙерге замандың бәләһенә әүерелде. Донъяла үлем осраҡтарының күпселеге йөрәк-ҡан тамырҙары өлөшөнә тура килә. Әммә ҡан баҫымының тотороҡло булмауына артыҡ борсолорға ярамай, халыҡ медицинаһындағы ҡайһы бер иҫкәртеү сараларын ваҡытында ҡулланғанда уны түбәнәйтеү мөмкин.
Лимон һәм һарымһаҡ
Өс баш һарымһаҡ һәм өс лимонды ваҡлағандан һуң, өс литрлы банкаға һалығыҙ. Ҡушымтаға бер литр һыу өҫтәгеҙ. Бик яҡшылап болғатҡандан һуң ҡараңғы урынға бер тәүлеккә төнәтергә ҡуйығыҙ. Аҙаҡ ҡушымтаны һөҙөп, һыуытҡысҡа ултыртығыҙ.
Төнәтмәне ашау алдынан ас ҡорһаҡҡа иртән һәм кис 50 грамлап эсергә кәрәк. Дауаланыу оҙайлылығы – өс аҙна.
Витаминдарға бай
Лимон – цитрус ағасы емеше. Ул бик күп витаминдарға бай (айырыуса С витаминына), иммун системаһын нығытыуға ярҙам итә, организм өсөн файҙалы пектин, цитрин, калий микроэлементтары күп тупланған. Өҫтә¬үенә лимон ҡан тамырҙарының һығылмалылығын яҡшырта, атеросклерозды иҫкәртеүсе тәьҫирле сара ла. Уны даими ҡулланыу баҫымды нормала тоторға ярҙам итә, тимәк, инсульт һәм гипертония ҡурҡынысы юҡ.
Гипертонияның тәүге стадияларында лимонды ҡулланыу тәьҫирле. Бының өсөн ҡырғыста ҡырылған бер лимонды бер әфлисун ҡабығын ҡушып болғатҡас, аҙ ғына шәкәр өҫтәгеҙ. Балғалаҡлап ҡына эсегеҙ.
Бал менән буталған лимон да организмға һәйбәт тәьҫир итә.
Лимонлы эҫе сәй, киреһенсә, йәшәү тонусын, ҡан баҫымын күтәреү үҙенсәлегенә эйә.
Бына шундай ғәжәп универсаль емеш ул – лимон!
Сығанаҡ: "Ейәнсура таңдары" гәзите.
Читайте нас: