+11 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
15 Сентябрь 2020, 12:58
Бәпесте яҡындары үлтермәгән...
/
Башҡортостанда бер сәбәпһеҙ бәләкәй балаларҙың үлем осраҡтары дауам итә. Күпселек осраҡта, бер йәшкә тиклемге сабыйҙар күҙгә күренмәҫ сәбәптәрҙән һәләк була. Бының махсус термины ла бар: сабыйҙың ҡапыл үлеүе синдромы.
Ошондай осраҡтарҙың береһе тураһында яңыраҡ хәбәр иткәйнек. 8 сентябрҙә Өфөлә биш айлыҡ ҡына бәпестең үлем осрағы теркәлә. Бында шуныһы шикләндерә: баланың кәүҙәһендә әллә ни ҙур булмаған йәрәхәттәр табыла. Шуға күрә шикләнеп, кәүҙәне суд-медицина экспертизаһына ебәрәләр.
Ошо көндәрҙә был тикшереүҙең һөҙөмтәләре асыҡланған: баланың үлемендә криминал эҙе юҡ. Тәфтиш комитетының матбуғат хеҙмәтенән хәбәр итеүҙәренсә, ҡыҙ баланың кәүҙәһендә табылған күгәргән һәм һыҙырылған урындар уның үлеменә килтермәгән.
– Эксперттар асыҡлауынса, баланың кәүҙәһендә табылған күгәреп торған урындар – массаждан ҡалған эҙҙәр. Бала ваҡытынан алда, йәғни етлекмәй тыуған, шуға күрә ата-әсәһе уның кәүҙәһен тонуста тотоу өсөн уға йыш массаж яһаған, – тинеләр ведомствоның матбуғат хеҙмәтендә. – Медицина документтары алынған, тикшереү һөҙөмтәһе буйынса ҡарар ҡабул ителәсәк.
Көтөп алған сабыйҙарының үлемен кисергән ата-әсә ҡайғыһынан ни эшләргә белмәгән, әсәй кеше туҡтауһыҙ илаған. Шул уҡ ваҡытта тикшереүҙәр, шикләнеүҙәр уның өсөн тағы ла ҙурыраҡ стресс булған. Беҙ ғаиләнең ауыр ҡайғыһын уртаҡлашабыҙ.
Фото: livekuban.ru
Автор: Альфия Мингалиева.
https://bash.rbsmi.ru/articles/kh-ef-e-lek/B-peste-ya-indari-lterm-g-n-454782/
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95