БЫНДА ВАТАН ҺАҠСЫЛАРЫ ТӘРБИӘЛӘНӘСӘК

Класты Тәфтиш комитеты сис­темаһында кадет хәрәкәтен үҫтереү маҡсатында Башҡортостан буйынса Тәфтиш идаралығы, Рәсәй Ғәҙәттән тыш хәлдәр министрлығының Баш­ҡортостан буйынса идаралығы, Рә­сәй ДОСААФ-ы һәм Ырымбур казак ғәскәре менән берлектә асасаҡтар.

Октябрьский ҡалаһының 20-се урта дөйөм белем биреү мәктәбендә дүрт ведомство-ара кадет класы тупланасаҡ. X класҡа – Баш­ҡорт­остан буйынса Тәфтиш идаралығы, IX класҡа – Рәсәй Ғәҙәттән тыш хәлдәр министрлығы, VII класҡа – Рәсәй ДОСААФ-ы, VI класҡа Ырымбур казак ғәскәре куратор буласаҡ.

Кадет кластарына ҡаланың башҡа мәктәптәренән дә уҡыусылар алына. Уҡыусыларға төп талап – физик шөғөлдәргә медицина тыйыуҙары булмау һәм яҡшы өлгәшеү. Кадеттар менән ведомство офицерҙары һәм дөйөм йүнәлештәр буйынса уҡытыусылар эшләйәсәк. Кластың йүнәлешенә бәйле белем биреү процесында юриспруденция, хәрби хеҙмәт, ҡораллы, парашют, тактик-махсус физик әҙерлектәр, хәрби-патриотик һәм физик тәрбиә нигеҙҙәре инәсәк. Был күнекмәләр төштән һуң, йәғни мәктәп програм­маһынан тыш алып барыласаҡ.

Кадет кластары тәрбиәлә­неүсе­ләр мәктәпте уңышлы тамам­лағандан һуң үрҙә әйтеп үткән ведомстволарҙың юғары белем биреү учреждениеларына уҡырға инеү мөмкин буласаҡ.