+11 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
11 Август 2020, 11:41
ЯҢЫ КОРПУС АСЫЛДЫ
.
Гульдар Кинзябаева
Өфөлә республика клиник онкология диспансерының яңы корпусы рәсми рәүештә асылды. Дөйөм майҙаны 25 мең квадрат метр тәшкил иткән туғыҙ ҡатлы бинаның хирургия бүлексәһе бер юлы 240 пациентты һәм диагностика бүлексәһе тәүлегенә 450 кешене ҡабул итә ала.
Корпусты асыу сараһында ҡатнашҡан Рәсәйҙең баш онкологы, Рәсәй Фәндәр академияһы академигы Андрей Каприн яңы бинаны юғары баһаланы.
-Таҙалығы, технологик яҡтан урынлашыуы медицина ярҙамы күрһәтеү сифаты талаптарына яуап бирә. Ошонан консультациялар үткәрергә, табиптарға ярҙам итеү, ярҙамдың сифатын контролләү, теле- консультациялар үткәреү, онкология пациенттарының иҫәбен алып барыу мөмкинлеге тыуҙырылған,- тип ул үҙенең ҡәнәғәтлеген белдерҙе.
Онкология проблемаһы планеталағы бөтә кешеләрҙе борсой. ”Бөтә донъя һаулыҡ һаҡлау ойошмаһы мәғлүмәттәре буйынса, донъяла бер көндә онкология сирҙәренән 27 мең ауырыу вафат була, - тип белдерҙе баш онколог. - Күҙ алдына килтерә алаһығыҙмы, донъяла 18,1 миллион кеше ошо сир менән ауырый. Йыл һайын 9,5 миллион ауырыу һәләк була. Кешеләрҙең сәләмәтлеге һәм тормош сифаты өсөн ысын мәғәнәһендә көрәш бара. Был көрәштә онкология хеҙмәте өсөн һәр төрлө матди ярҙам мөһим.”
Андрей Каприндың әйтеүенсә, онкология хеҙмәте пандемия осоронда һынауҙы үтә алды.
- Бөтә донъяла күп профилле стационарҙар биләмәһендә урынлашҡан онкология бүлексәләрен ябыу мәсьәләһе торғанда, беҙҙең онкология хеҙмәте ауырлыҡ кисермәне, - тине ул . - Утрау рәүешендәге айырымланған учреждениеларҙы пандемиянан һаҡларға мөмкин булды.
Онкология диспансерының яңы корпусын асыу тантанаһында Башҡортостан Башлығы Радий Хәбиров һәм Рәсәй һаулыҡ һаҡлау министры урынбаҫары Олег Гриднев ҡатнашты. Яңы корпус тәүге пациенттарҙы дүшәмбенән ҡабул итә башлаясаҡ. Бында 250 юғары квалификациялы табип, шул иҫәптән, төрлө белгеслеккә эйә 68 табип эшләйәсәк.
Фото:i-gazeta.com
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95