+11 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
11 Август 2020, 11:43
БЫЙЫЛ ЮЛДАР РЕМОНТЫ МЕНӘН ХӘЛДӘР ШӘП
.
Бөгөн Хөкүмәттә үткән оператив кәңәшмә ваҡытында “Хәүефһеҙ һәм сифатлы автомобиль юлдары” милли проектының үтәлешен тикшерҙеләр. Республиканың Юл хужалығы һәм транспорт буйынса дәүләт комитеты рәйесе Алан Марзаев белдереүенсә, быйыл 300 километрҙан ашыу автомобиль юлдары ремонтланасаҡ.
Милли проект өс төбәк проектын тормошҡа ашырыуҙы күҙаллай: “Юл селтәре”, “Юл хужалығын үҫтереүҙең дөйөм системалы саралары” һәм “Юл хәрәкәте хәүефһеҙлеге”. Быйыл уларҙы тормошҡа ашырыу өсөн 7 миллиард һум аҡса бүленгән.
Быйылғы йыл тамамланғансы юлсылар Өфө районында Авдонға көнбайыш яҡтан урау юлды, Коммунистик урамы киҫелештәрен, Объезд, К. Моратов, Суханов, Ильич урамдарын һәм Стәрлетамаҡта Стәрлебаш трактын төҙөкләндереп бөтмәксе. Бынан тыш Салауат ҡалаһында Бекетов урамында автомобиль юлын төҙөп бөтөрөү планлаштырыла. Баш ҡаланың Калинин районында Лесунов урамы һәм Баландин бульвары өлөштәрен төҙәйәсәктәр.
Оҙонлоғо 6,4 километр булған өс объектты файҙаланыуға тапшырғандар. Һүҙ Үҙәк һәм Өфө районының Дебовка ауылына урап үткән юл, Стәрлетамаҡта Хоҙайбирҙин урамы участкаһы һәм Стәрлетамаҡ-Салауат автоюлының 22-25-се километрҙары тураһында бара.
Барлығы 2020 йылда 305 километр юл япмаһы ремонтланасаҡ, 12 километрҙа капиталь ремонт һәм өс километрҙа төҙөкләндереү үткәреләсәк, 23 светофор, 248 юл билдәһе, 1200 погон метр йәйәүлеләр өсөн ҡоймалар ҡуйыласаҡ.
Шулай уҡ быйыл юлдарҙа 459 юл хәрәкәте ҡағиҙәләрен боҙоуҙы теркәгән фото һәм видео камералар ҡуйылды. Был эште тәүҙә 2024 йылда ғына тамамларға йыйыналар ине.
– Яҡшы бараһығыҙ, рәхмәт. Рәсәйҙең Транспорт министрлығы менән эште дауам итегеҙ, киләһе йылға пландарҙы тикшерегеҙ. Мин дә быға ҡушылырмын, – тине Радий Хәбиров.
Фото: Башҡортостан Башлығы.
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95