-12 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
25 Июль 2020, 20:42
БАЛДАҠ
/
Әхирәтем менән ювелир магазинында һатыусы-консультант булып эшләйбеҙ. Һөнәребеҙ оҡшай, кешегә шатлыҡ өләшәбеҙ, бүләк һайларға ярҙам итәбеҙ. Ҡыҫҡа ғына осрашыуҙарҙа ла эс серҙәре менән бүлешергә өлгөрә ҡайһы бер һатып алыусылар.
Бер көн салонға олатайым йәшендәге ир килеп инде. Ғәҙәти кейенгән: күлдәк, салбар һәм совет дәүеренән ҡалған сандалиҙа. Әммә бик бөхтә, һәйбәт итеп ҡырынған, күрмәлекле. ”Миңә никах балдағы кәрәк, һайлашығыҙ әле, ҡыҙҙар”, - тип өндәште. Мин аптырап ҡалдым, шулай ҙа ғәжәпләнеүемде белдермәҫкә тырышып: ”Икенсе тапҡыр өйләнәһегеҙме?” - тип һораным. Ул минән дә нығыраҡ аптыраны: ”Ниңә? Ни өсөн икенсе тапҡыр? - тине ул. - Тәүге мөхәббәтем һәм тәүге никахым. Тик миңә уны оҙаҡ көтөргә тура килде”. Әхирәтем менән бер-беребеҙгә ҡарашып, йылмайышып алдыҡ. Бындай романтиктар беҙҙә һирәк була!
“Бына ошо витринаға иғтибар итегеҙ. Бик шәп вариант, ҡарағыҙ әле,” - тип үҙемә оҡшаған балдаҡты күрһәтәм. Тик ул күҙ һирпеп кенә алды ла: ”Һеҙ миңә ошо балдаҡты күрһәтһәгеҙ ине,” - тип, бик ҡиммәтле аҡ алтындан яһалған балдаҡҡа төртөп күрһәтте. Әхирәтем менән тағы ҡарашып алдыҡ. ”Яҡшы, бик шәп, - тине кейәү кеше, - алам.”
Ир аҡса түләне лә беҙҙең менән хушлашып, күңелләнеп сығып китте. Беҙ “кейәү” өсөн бик шатландыҡ, тимәк, мөхәббәт өсөн йәш тә, сикләүҙәр ҙә юҡ...
Фото:Sovetclub.ru
Автор: Дина Арсланова.
https://bash.rbsmi.ru/articles/m-kh-bb-t-ba-sa-y/Balda-378872/
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95