-7 °С
Болотло
Бөтә яңылыҡтар
ДӨЙӨМ МӘҠӘЛӘЛӘР
21 Май 2020, 11:22
ИРЕКМӘНДӘРҘЕҢ ҮҘ "ЙОРТО" БУЛАСАҠ
.
Бөгөн Башҡортостан Башлығы Радий Хәбиров республикалағы ирекмәндәр хәрәкәте лидерҙары менән онлайн тәртиптә осрашты. Республика етәксеһе тура эфирҙа ҡатмарлы осорҙа мохтаждарға ярҙамға килгән ирекмәндәрҙең һәр береһенә оло рәхмәт белдерҙе.
“Һеҙҙең ауыр хеҙмәттән ныҡ арығанлығығыҙҙы яҡшы аңлайым. Бик ҙур хеҙмәт күрһәттегеҙ, ике йөҙгә яҡын кеше һеҙҙең ҡулдан ярҙам алды. Әгәр ҙә беҙ был мөһим эште туҡтатһаҡ, хәлдең ҡатмарланыуы мөмкин,” - тип, ул тиҙлекте һүлпәнәйтмәүҙе, июнгә тиклем эште әлегеләй дауам итеүҙе һораны.
Фекер алышыуҙа Ирекмәндәр үҙәктәре ассоциацияһы советы рәйесе Артем Метелев, Ҡырғыҙстан һәм Ҡаҙағстан илдәре ирекмәндәре ҡатнашты. Республика етәксеһе эпидемияның барыбыҙ өсөн ныҡлыҡҡа һынау булыуын һәм ирекмәндәр хәрәкәтенең уны лайыҡлы үтеүен билдәләп, ярҙам күрһәтеүселәрҙең дә һаулығын юғалтыу осраҡтары булыуы тураһында әйтте.
Яҡшы хәбәр ҙә яңғыраны – ирекмәндәрҙең үҙ “ҡыйығы” буласаҡ! Радий Хәбиров был эштең хәл ителә башланыуын белдерҙе.
Өфөләге 2-се балалар поликлиникаһы педиатры коронавирус йоҡторған балаларҙы дауалау, ирекмән булараҡ ниндәй ярҙам сараһында ҡатнашыуын һөйләне. Автосалон етәкселәренең нисек ирекмән булып китеүҙәрен, хеҙмәткәрҙәрен юғалтмау өсөн ниндәй көс һалыуҙарын һөйләп, Андрей Шмергельский республика етәксеһенә ирекмәндәр хәрәкәтенә яҡшы баһа биргәне өсөн рәхмәт әйтте.
Йылылыҡ бөркөлөп торған асыҡ һөйләшеүҙә үҙ фекерен белдереүселәр байтаҡ булды. Шулай ҙа иң мөһим һүҙҙе республика етәксеһенән ишеттек. Ирекмәндәрҙең хоҡуҡтарын нығытыу, уларҙың сәләмәтлеген, ғүмерен страховкалау мәсьәләһен күтәреп сыҡты ул. Осрашыуҙа яңғыраған тағы бер тәҡдим менән дә бүлешәһе килә – киләһе йылды ирекмәндәргә йәки табиптарға, ҡыҫҡаса әйткәндә, ниндәйҙер изге эшкә арнау кәрәклеге яңғыраны.
“Был хаҡта уйлашырбыҙ,” - тип вәғәҙәләне республика етәксеһе. Тимәк, алда ҡыҙыҡлы эштәр, идеялар күп буласаҡ әле.
"Башҡортостан" гәзите сайтынан. Фото: glavarb.ru.
Эльвира Хамзина
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95