Наградалар - фельдшерҙарға

Әбүбәкер халҡын ҡотлауға Аҡъяр үҙәк район дауаханаһының баш табибы Илшат Рыҫҡужин да ҡушылды:

–Районда бөтә заманса талаптарға ярашлы йыһазландырылған 4-се ФАП-тың асылыуы – иҫтәлекле ваҡиға. Бында дауаланыуҙан тыш, иҫкәртеү процедураларын, диспансеризация уҙғарыу, балаларҙы хеҙмәтләндереү мөмкинлегенә эйә. Ғөмүмән, пациенттарҙы ҡабул итеү өсөн яңы бинала тейешле уңайлыҡтар булдырылған. Яңы ФАП медик-санитар ярҙамдың беренсел звеноһын үҫтереүҙә һәм нығытыуҙа ҙур роль уйнай, – тине Илшат Тимерйән улы һәм район фельдшерҙарына наградалар тапшырҙы. «Башҡортостан Республикаһының һаулыҡ һаҡлау отличнигы» билдәһе менән Ғәлиә Исмәғилева наградланды, ә Елена Атландерова Башҡортостан Һаулыҡ һаҡлау министрлығының почёт грамотаһы менән бүләкләнде.