+11 °С
Болотло
Бөтә яңылыҡтар
ҺАУЛЫҠ ҺАҠЛАУ
27 Октябрь 2020, 22:49
Хәл ҡатмарлы...
Үкенескә күрә, яуаптарға ҡарағанда һорауҙар күберәк.
Башҡортостан Һаулыҡ һаҡлау министрлығында коронавирус инфекцияһы таралыуын иҫкәртеү буйынса үткәрелгән брифингта көн үҙәгендәге мәсьәләләр ҡаралды. Максим Забелин әйтеүенсә, тәүлек эсендә сирҙе йоҡторғандар һаны 85-кә артып, бөтәһе 10 415 кешегә етте. Һуңғы тәүлектә 52 ауырыу һауыҡҡан.
Әле стационарҙарҙа - 197, амбулатор шарттарҙа 742 сирле дауалана. Туғыҙ пациент ауыр хәлдә, икеһе үпкәне яһалма елләтеү аппаратына тоташтырылған. Республикала пневмония менән сирләгәндәр ҙә арта, һуңғы тәүлектә 249 кешегә шундай диагноз ҡуйылған. Төбәктә коронавирусҡа тест биреү лабораториялары икәүгә артҡан, хәҙер уларҙың һаны – 25.
Бөгөн халыҡ поликлиника табиптарына яҙыла алмай, сираттарҙа тороп көн үткәрә. Ауырыуҙар ҙа, сәләмәттәр ҙә тар, тығыҙ майҙанда аралашырға мәжбүр. Ҡайһы бер поликлиникаларҙа ойоштороу эше түбән. Быға миҫалдарҙы әллә ҡайҙан эҙләйһе юҡ, аяҡ аҫты тулы. 13-01 телефонына көнө буйы шылтыратып та, эләгә алмауың мөмкин. Һаулыҡ һаҡлау министры уның сәбәбен техник тотҡарлыҡ тип таныһа ла, ҡасан яйға һалынырын, ауырыуҙарҙың ҡасан табиптарға телефон аша яҙыла аласағын аныҡ әйтә алманы.
Мәсьәлә бит терегөмөшлө градусниктарҙа йәки дарыуҙарҙа ғына түгел, тәү сиратта табипҡа эләгеп, тейешле кәңәш һәм дауаны ваҡытында тәғәйенләүҙә. Үкенескә ҡаршы, яуаптарға ҡарағанда һорауҙар күберәк.
Рәсәй буйынса ла хәл ҡатмарлы. Тәүлектә сирҙе 16 550 кеше йоҡторған, ҡыҙғанысҡа ҡаршы, 320 сирле һәләк булған (пандемия осорондағы анти-рекорд!), 12 884 ауырыу һауыҡҡан.
Фото: News.yandex.com
Автор: Дина Арсланова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95