-9 °С
Болотло
Бөтә яңылыҡтар
ҺАУЛЫҠ ҺАҠЛАУ
15 Октябрь 2020, 00:21
Транспортта битлек кейәһеңме? Тикшерәләр
Бөгөн йәмәғәт транспортында коронавирус таралыу хәүефенә бәйле юғары әҙерлек тәртибенең үтәлеше тикшерелде.
Бөгөн республиканың Транспорт һәм юл хужалығы буйынса дәүләт комитеты, “Роспотребнадзор”ҙың Башҡортостан идаралығы вәкилдәре, ЮХХДИ һәм Рәсәй Эске эштәр министрлығының Өфө буйынса идаралығы хеҙмәткәрҙәре йәмәғәт транспортында төбәк Башлығының коронавирус сире таралыу хәүефенә бәйле юғары әҙерлек тәртибен ғәмәлгә индереү тураһындағы указы талаптарының үтәлешен тикшерҙе.
Мәғлүм булыуынса, транспортта битлек кейеү тәртибенең үтәлешенә контроль көсәйтелде. Быйыл 20 апрелдән алып Транспорт һәм юл хужалығы буйынса дәүләт комитеты 247 рейд ойошторған, юл комплексындағы 101 һәм транспорт комплексындағы 146 объект тикшерелгән. Ошондай саралар һөҙөмтәһендә етешһеҙлектәргә ҡағылышлы 107 административ протокол төҙөлгән.
Октябрь башынан юғары әҙерлек талабын боҙған пассажирҙарға ҡарата ла ошондай уҡ протоколдар төҙөлә. Битлек кейеү мотлаҡ. Тәртипте беренсе тапҡыр боҙһаң – 1-2 мең һум (ҡайтанан боҙһаң – 3-5 мең), вазифалы кешеләргә – 5-15 мең һум (15-30 мең һум), ойошмаларға 50-100 мең һум (100-200 мең һум) штраф һалына. Йәмәғәт транспорты водителдәре был ҡағиҙә хаҡында иҫкәртергә тейеш. Автобус бар пассажирҙар битлек кейгән осраҡта ғына маршрутҡа сыға ала.
Тикшереүселәр, битлек режимынан тыш, ҡала транспорттары салонында дезинфекция саралары булыу-булмауын ҡарап сыҡты, уның сифатын билдәләне.
Фото: ok.ru
Автор: Лилия Давлетбакова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95