-8 °С
Болотло
Бөтә яңылыҡтар
ҺАУЛЫҠ ҺАҠЛАУ
21 Июнь 2020, 11:04
Иң яҡшы табиптар араһында - беҙҙекеләр!
Шамил Ғилманов менән Заһит Мөжипов "Һәләт" медицина премияһына лайыҡ булды.
«Һуғыш, террорсылыҡ акттары, тәбиғи бәлә-ҡазалар һәм һәләкәт ваҡытында ярҙам күрһәткән табиптарға махсус премия» номинацияһында Мәскәү, Ҡазан, Иркутск, Өфө, Сыктывкар, Хабаровск, Мәскәү өлкәһе, Байкал аръяғы һәм Приморье крайынан иң яҡшы 32 табип "Һәләт" медицина премияһы менән бүләкләнде. Улар яңы коронавирус инфекцияһы ҡурҡынысы янағанда Рәсәйҙең санитар хәүефһеҙлеген тәьмин иткән өсөн баһаланды.
"Роспотребнадзор"ҙың Башҡортостан буйынса идаралығының тәжрибәле табип-эпидемиологтары - транспортта күҙәтеүселек бүлеге етәксеһе урынбаҫары Шамил Ғилманов һәм бүлектең әйҙәүсе белгес-эксперты Заһит Мөжипов оло бүләккә лайыҡ булды.
Башҡортостан табиптары, коллегалары менән бер рәттән, Мәскәү ҡалаһының "Шереметьево" аэропортында эшләне. Улар санитар-карантин контроле бурысын атҡарҙы. Аҡ халатлылар Ҡытайҙан, Европа илдәренән килгән пассажирҙарҙы ҡаршы алды. Консультация, төрлө анкеталар, борттарҙа термометрия үткәреп, сирҙәрҙе билдәләне. "Тәүлек эсендә 53 һауа судноһы ҡабул итергә һәм ауырыуҙарҙы асыҡларға тура килде", - ти абруйлы табиптар.
Медицина хеҙмәткәрҙәре көнө алдынан «Һәләт» премияһын тапшырыу быйыл Мәскәүҙә Надежда Бабкинаның «Урыҫ йыры» театрында ойошторолдо. Тантаналы сараны табип-терапевт Елена Малышева һәм музыкант, табип-реаниматолог Александр Розенбаум алып барҙы. Беҙҙең Башҡортостан табиптарына премияны Рәсәй Хөкүмәте вице-премьеры Татьяна Голикова, илдең баш санитар табибы Анна Попова тапшырҙы. Яҡташ табиптарыбыҙҙы мәртәбәле премияға лайыҡ булыуҙары менән ихлас күңелдән ҡотлайбыҙ.
Фото: bashinform.ru
Автор: Самат Ғәлин
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95