+11 °С
Болотло
Бөтә яңылыҡтар
ҺАУЛЫҠ ҺАҠЛАУ
16 Июнь 2020, 22:59
Иң күп аҡса - һаулыҡ һаҡлауға
Быйыл “Һаулыҡ һаҡлау” милли проектын тормошҡа ашырыу өсөн 5,6 миллиард һум аҡса йүнәлтелә. Уларҙың 4,1 миллиард һумы - федераль бюджеттан.
Хөкүмәттә үткән оператив кәңәшмәләрҙә милли проекттарҙың тормошҡа ашырылыуына йомғаҡ яһау дауам итә. Был аҙнала республиканың Һаулыҡ һаҡлау министры Максим Забелин “Һаулыҡ һаҡлау” тураһында һөйләне.
Быйыл Республика онкология диспансерының хирургия корпусына төкәтмә төҙөү тамамланасаҡ. Бындағы тәүге операция августа уҡ башҡарыласаҡ. Унан тыш, онкология үҙәге ике линиялы заманса тиҙләткес аласаҡ, уларҙың дөйөм хаҡы 500 миллион һум тәшкил итә.
Шулай уҡ быйыл 13 фельдшер-акушерлыҡ пунктын төҙөү тамамланасаҡ, уларҙың дүртәүһен июлдә асыу ҡаралған. Модулле ФАП-тарға килгәндә, быйыл уларҙы алты тапҡырға күберәк аласаҡтар.
Быйыл “Һаулыҡ һаҡлау” милли проектын тормошҡа ашырыу өсөн 5,6 миллиард һум аҡса йүнәлтелә. Уларҙың 4,1 миллиард һумы - федераль бюджеттан. Был, былтырғы менән сағыштырғанда, 1,6 тапҡырға күберәк.
Дөйөм алғанда, республика дауаханаларына юғары технологиялы ҡиммәтле 25 ҡорамал алына. Улар араһында өс компьютер томографы, ике ангиограф, өс маммограф, биш МРТ, ун рентген аппараты бар.
“Ауыл табибы” программаһы буйынса эштәр дауам итә. Быйыл ауылға ҡайтҡан 17 дефицит белгес һәм 20 табип берәр миллион һумлыҡ аҡса алған да.
"Беҙ һаулыҡ һаҡлау тармағына күп аҡса һалабыҙ, бер нәмә лә ҡырҡмайбыҙ тиерлек, – тине Радий Хәбиров. – Айырым райондарға табиптар йәлеп итеү эше менән яңынан ныҡлап шөғөлләнә башлауҙы һорайым. Коронавирус коронавирус менән, ә беҙ халыҡтың дөйөм һаулығы тураһында уйларға тейешбеҙ".
Төбәк етәксеһе киләһе "Һаулыҡ сәғәте"нә Өфө, Стәрлетамаҡ, Бәләбәй һәм Белореттағы дүрт төбәк онкоүҙәк эшмәкәрлеге тураһында отчет һораны.
"Беҙ уларҙы онкология диагнозы асыҡланғандан һуң өйҙәренә яҡын урында амбулатор дауалау үткәреү өсөн астыҡ. Хәҙер беҙгә аңларға кәрәк: был йәһәттән ни тиклем алға китеш булды икән. Артабан һаулыҡ һаҡлау сифатын арттырыу өсөн нимә эшләргә була тигән һорауға ла яуап табырға кәрәк", - тине ул.
Фото: Башҡортостан Башлығы сайты.
Автор: Альфия Мингалиева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95