“Хәтер китабы” өсөн материалдар йыйыу дауам итә

Хәйбулла районында тыуып үҫеп, Бөйөк Ватан һуғышы ҡатнашҡан яугирҙар тураһында китап әҙерләнә. Алдан хәбәр итеүебеҙсә, Хәйбулла районында тыуып үҫеп, 1941-1945 йылдарҙа Бөйөк Ватан һуғышы фронттарында хәрби алыштарҙа ҡатнашҡан яугирҙар тураһында “Хәтер китабы” әҙерләнә.Коронавирус пандемияһы арҡаһында китапты сығарыу ағымдағы йылдың көҙөнә күсерелде. Ошоға бәйле, һуғышта ҡатнашыусылар тураһында материалдар йыйыу дауам итә.Яугир хаҡында ҡыҫҡаса мәғлүмәттәр ошондай формала тапшырырға кәрәк: исем-шәрифе, тыуыу датаһы, тыуыу урыны (ауылдың атамаһы), хәрби званиеһы, яу юлы, саҡырыу һәм демобилизациялау йылы һәм урыны (документтар менән раҫлау).Материалдарҙы 2020 йылдың 1 авгусына ҡәҙәр memorybook@list.ru адресы буйынса электрон почтаға ебәрергә йәки Хәйбулла тарих һәм тыуған яҡты өйрәнеү музейына (Аҡъяр ауылы, Аҡмулла урамы, 5А), йә район архивына (Аҡъяр ауылы, Аҡмулла урамы, 24) алып килергә кәрәк.Яҡындарығыҙ тураһында хәтерҙе мәңгелләштереүҙә әүҙем ҡатнашыуығыҙҙы һорайбыҙ!