+11 °С
Болотло
Бөтә яңылыҡтар
Шанлы тарихтың берҙән-бер иҫән шаһиты ул...
*
29 майҙа Ҡырмыҫҡалы районының Шайморат ауылынан Украинаның Изварино ауылына (Луганск халыҡ республикаһы) бер төркөм автоуҙышсылар ҡуҙғалды.
Был сара 112-се Башҡорт атлы дивизия командиры Миңлеғәле Шайморатов иҫтәлегенә бағышланған. Автоуҙышта ҡатнашыусылар урындағы музейға кавалерия дивизияһының байраҡтары күсермәләрен тапшырасаҡ, Миңлеғәле Шайморатов мемориалына һәләк булған һалдаттарҙың табличкаларын ҡуясаҡ, шулай уҡ аллеяла кедр ағасы үҫентеләре ултыртасаҡ.
Автоуҙыш үткәреү башланғысы авторҙары – яҙыусы, журналист, “Ҡаҡшамаҫ һәм легендар 112-се...” (“Несокрушимая и легендарная 112-я…”) китабы авторы Борис Малородов, Башҡортостандың Дәүләт Йыйылышы – Ҡоролтай депутаты Салауат Харрасов, “Аҡтау” социаль адаптация үҙәге, “Төнгө бүреләр” байкерҙар клубы.
Автоуҙышта ҡатнашыусылар юл ыңғайы Һарытау өлкәһенең Хвалынск ҡалаһында туҡтап киткән. Унда бөгөн 112-се Башҡорт атлы дивизияһынының берҙән-бер иҫән ҡалған яугире, Советтар Союзы Геройы, 97 йәшлек Георгий Федорович Платонов йәшәй. Ул һуғышта 62-се полкка етәкселек иткән.
Автоуҙышта ҡатнашыусылар Георий Федоровичҡа генерал Шайморатовҡа “Рәсәй Геройы” исеме бирелеүен еткергән.
– Ниһайәт! Беҙ быны барыбыҙ ҙа бик оҙаҡ көттөк, - тип шатланған яугир.
Әйткәндәй, Г. Ф. Платоновтың исеме башҡа батырҙарҙың исемдәре менән бер рәттән, Башҡортостандың Милли музейында урынлашҡан мемориаль таҡтаташта алтын хәрефтәр менән яҙылған, унда 112-се Башҡорт атлы дивизияһының барлыҡ Советтар Союзы Геройҙары теркәлгән. Ошондай уҡ таҡтаташ 112-се (16-сы гвардия) Башҡорт атлы дивизияһы музейында ла бар.
Фотолар автоуҙышта ҡатнашыусыларҙан.
Автор: Гүзәлиә Балтабаева
Автор: Гүзәлиә Балтабаева
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95