-6 °С
Болотло
Бөтә яңылыҡтар
Башҡортостанда Булат Солтангәрәев исемендәге йәштәр премияһы лауреаттары билдәләнде
Улар араһында яҡташыбыҙ Нәфисә Торомтаева бар
Башҡортостандың баш ҡалаһында Булат Солтангәрәев исемендәге республика конкурсына йомғаҡ яһалды. Конкурста белем биреү учреждениеларының 10-сы һәм 11-се класс уҡыусылары, лицей һәм колледж студенттары ҡатнашты. Ижади бәйге еңеүселәренә 15, 10 һәм 5 мең һум аҡсалата премия тапшырылды.
Ойоштороусы — Башҡортостан Республикаһы Журналистар союзы менән берлектә «Йәшлек» гәзите. Быйыл конкурс Башҡортостан Республикаһы башлығының гражданлыҡ йәмғиәтен үҫтереүгә йүнәлтелгән грантына уҙғарылды.
«Бәйгегә 100-гә яҡын эш килде, уларҙың 30-ҙан ашыуы «Йәшлек» гәзитендә һәм сайтта донъя күрҙе, — тип һөйләне «Башинформ» агентлығына конкурстың кураторы Айбулат Ишназаров. — Эштәр телде, экологияны һаҡлау проблемаларына, башҡорт халҡының тарихи үткәненә, бөгөнгөһөнә һәм киләсәгенә, ғаилә ҡиммәттәре тураһында уйланыуҙарға, хәҙерге донъяла йәштәрҙе үҫтереү мәсьәләләренә, Бөйөк Ватан һуғышы темаһына арналғайны».
Беренсе урынды Бөрйән районы Байназар ауылы урта мәктәбенең 10-сы класс уҡыусыһы Зилиә Буранбаева яуланы. Уның шиғырҙарында үҙ алдыңа үҫешеү һәм үҙ-үҙеңде танып белеү темаһы, йәштәр проблемалары асыла.
Икенсе урынды ике кеше бүлеште. Улар — Ишембай ҡалаһы Ә.Вәлиди исемендәге 2-се Башҡорт гимназия-интернатының 11-се класс уҡыусыһы Роберт Горбунов һәм Рәми Ғарипов исемендәге 1-се Башҡорт республика гимназия-интернаты уҡыусыһы Нәфисә Торомтаева. Уларҙың һәр береһенә 10 мең һум премия тапшырыла.
Өсөнсө урын өс уҡыусыға бирелде. Улар – Бөрйән районы Байназар ауылы урта мәктәбенең 10-сы класс уҡыусыһы Сәлимә Дәүләтшина, Баҡалы районы Баҡалы ауылы 1-се урта мәктәбенең 10-сы класс уҡыусыһы Илнар Әхмәтханов, Әбйәлил районы Ҡырҙас урта мәктәбенең 10-сы класс уҡыусыһы Зәлиә Сәғәҙәтова. Был лауреаттарға — 5 мең һум премия.
Эпидемиологик хәлгә бәйле еңеүселәрҙе Белем көнөндә — 1 сентябрҙә бүләкләү күҙаллана.
Фото: Юлай Кәримов
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95